Pt煮婦(四)

日日在家煮飯,食完飯就梗係要洗碗啦。 除左洗碗,見到爐頭啲油漬一達達,個心真係唔舒服。但我唔想用化學清潔劑,始終係處理食物嘅地方,太多化學野唔係咁好。 想搵返之前買落嘅茶籽粉出黎省爐,呢隻係我favourite, 不傷表面、簡單易用、效果顯著,實在係看門口嘅必備產品。 但係左搵右搵都唔見嘅? 原來畀我老公掉左😱 咩話!?咁多野唔掉偏偏要掉呢個!?點解! 好彩,後來畀我在有機店見到佢,諗都唔駛諗,即刻買返去! 店員話好多人買呢隻,一返貨就即刻有人買。佢話除左省爐,仲可以洗碗!咁好?連洗潔精都慳返。 自製左個容器,搵錫紙封左個樽,用叉吉啲lone,大啲易倒啲。就係咁,直到今日已經用左半樽粉啦😄。 茶籽粉去油力好強,個鑊煮完野油林林都用佢洗乾淨。因為冇化學成份,洗碗時就唔擔心洗唔淨啦👍🏻 最正用埋佢黎省爐頭! 曬啲粉喺爐頭油漬上面。用布、百潔布加啲啲水喺上面大力洗刷,啲油漬好快冇曬,爐頭立立令乾淨曬✨。茶籽粉遇水即溶,唔駛怕會刷花爐頭。 唯一係針板砌生肉,我會再洗潔精清洗,惜有咩菌留喺刀同板上。 總之茶籽粉好處多多,環保天然、對人體無害。聽講仲有人用佢黎洗頭。老實講我真係試過一次,之後啲頭髮kick到痴線,可能係太乾淨了😅😅。

Pt煮婦(五)

今日第一次煮雞酒。 個酒好好味,啲肉就乾左啲喔。 好有滿足感、成功感。 跟陪月學野,學佢用黑糯米酒。落左好多姜絲,啲湯既有酒味,飲落又辣辣地,天寒地凍果時飲就最正👍🏻 一直想用嘉美🐓或冇激素的🐓,但和平要$300先送貨,街市又唔係時時有。自陪月走左之後想整好耐,喺惠康見到盒雞塊,唔理咁多都係買返去試下,戰戰兢兢下終於挑戰成功,結果都唔錯丫🤤 黑木耳去瘀血,對產後婦女好好。木耳索曬酒同雞味精華,食落又爽口,真係正👍🏻👍🏻👍🏻 可惜唔記得睇火,最後煮剩一碗水,有啲可惜。 配埋個紫菜夾飯食,呢餐真係大滿足❤️ —>

結婚八周年

原來今日結婚八周年😄👰🏻🤵🏻 但我淨係記得今日妹妹去打針😅 老公又提醒我原來我同妹妹一直冇合照,於是就地喺健康院影左幾張👩🏻👶🏻 我地請奶奶幫手照顧bb後就去食餐飯過二人世界,今晚唔係「公一份」、「婆一份」分工合作照顧家庭大小事。 食飯談天說地,難得地真正只有兩個成年人,用成年人嘅節奏過返啲正常成年人生活。好開心咁出去,開開心心咁返黎。 返到黎掃掃下風,先醒起沒有為我地八周年晚餐合照⋯⋯(其實印象中好似年年都冇🤷🏻‍♀️)覺得有啲遺憾。 生活就係餵奶掃風叫阿仔做功課叫阿仔快啲食飯同叫阿仔訓覺等等數不勝數嘅瑣事中渡過。 驀然回首,一步一腳印。呢啲點滴就係我八年生活寫照,平淡無奇卻踏實自在。 我同老公識左唔止八年了,這些年,辛苦你了!😆😅👍🏻☺️ 祝你身體健康,我地一家齊齊整整開開心心繼續生活那些年❤️❤️🌈👑🏡👨‍👩‍👧‍👦😘

Pt煮婦(三)

甚少下廚的我,難得連續這幾天不得已下廚,認為有需要記下自己煮過什麼,或者將來有天重看這些POST,能夠回憶今天的情況和滋味,好好留個記念。

Pt煮婦

味噌白菜肉片 生姜米紅棗麻油炒飯 我最喜歡食紅棗。雖然陪月走左,嚴格來說我還是坐月中,對產婦來說,姜飯又怎少得呢?

Part-time 煮婦

妹妹出世前我餐餐幾乎出街食,一來自己冇煮開飯,二來陀了B.B., 真係特別容易攰,企多陣都腰痛,唯有出街食。晚餐就去奶奶家解決。

新生兒——收水

大家係咪以為BB出世,媽媽喺醫院抖幾日,跟住就同BB一家大細平平安安笑口常開坐的士、私家車返屋企就圓滿大結局呢﹖

新生活

今次請了陪月,還陪了個半月,為的是要健康身體,讓將來夠力湊2個小朋友。 哥哥我交付給麻麻照顧,老公和我照顧細妹妹,今次還有陪月幫手,過程比我想像中輕鬆。

聖誕日雜談

好快又過左一個月。 仲記得剛出院回到家,那時是下午,天氣還是有點熱。

Joy to the world!

Other than the Lord is come, my sunshine is due this month and viola~~~here she comes!

Brand new day

Tomorrow is gonna be a brand new day. For baby sis is on her way…