飲食

The sky bar

好耐冇出黎威了。 自從A子返工後,我地好少見面。佢工作開心滿足同極忙碌,所以我都好少聯絡佢。上次在她家作客,吃了一頓極豐富的晚餐,又喝了些酒,實在有點意猶未盡。 今次都係。我地傾到11點,都覺得仲好多野講,但係我要走啦,返到屋企12點,搞到我覺得對老公有d唔住。 餐廳d野好好食。我地各自點了龍蝦餐。前菜有沙律及新鮮的忌廉蘑菇湯,然後另點的生蠔一份(4隻)。再來是西冷牛扒配大龍蝦(半份),底下伴著粒粒薯蓉。最後是檸檬蛋糕一客,還有飲料一杯。最正的是整個晚餐是配有紅酒的。通常這種半賣半送的紅酒入口特別酸是常識。這紅酒令我和A子喜出望外,不酸不特止,而家很易入口。不過我和A子邊聊邊飲,不知不覺酒便放涼了,之後入口就覺酸了。 餐廳名字是sky bar,位於銅鑼灣利舞台8樓。套餐$598,買一送一~^o^~ 。 我們一邊享受美食,一邊閒話家常,實在很久沒有這樣跟女朋友談心了。人大了,環境改變了,聊天的話題也由同事、男朋友等變成下屬們、家庭瑣碎事等等。 人生話長唔長,話短唔短。遲一些又可能聊一些關於孩子功課多,哪所學校升學的事,慢慢就變成如何應付更年期,how to gracefully aging等話題了。但願上天讓我們可繼續享受生命的樂趣,同時亦有朋友一起分享。