BB30個月 · 周圍去

台灣之旅–清境農場篇

坐高鐵由桃園到台中需時約30分鐘,然後我地會合埋包車司機,就由台中直接入清境農場。

清境農場尋於高地,包車跟住蜿蜒曲折既山路駛入去,一路入就一路高,後來架車唔駛開冷氣都好似開左冷氣咁清涼! 司機手車好好,條路多彎又斜,佢都令我地好舒服。

到達清境農場已經差不多黃昏時間。check in民宿後就馬上搵野食啦。

我地民宿位於小瑞士花園隔離,圍繞小瑞士花園都有不少民宿。但食肆就寥寥可數,5隻手指數得曬,仲有一間七仔 (好重要既七仔!!)。

食完野會行一條漆黑一片既步道返民宿。漆黑一片因為全無街燈,要靠電筒先睇到路;仲要時不時有車出入,但行慣左就冇乜野了。

第二日我地就馬上出發隔離小瑞士花園。佢出面有間連鎖食肆紙箱王,我地在餐廳食左個brunch就過去了。
image
image

港燦事件一則: 話說menu見佢drink list只有honey tea, 我地想order蜜糖水,非茶類飲品畀小朋友,就同個waiter講要honey water, 但個後生仔完全唔明,解釋完佢都好似覺得我地要求緋以所思咁,仲面有難色。我地就算鬼數,黎到先算啦。 honey tea 黎到即試試飲,原來咪就係honey water咯,盞搞呀真係。
image

食完個餐就買飛入去啦。

入到去,係勁。失。望。本來都冇乜期望,但所謂小瑞士花園只不過係一個好大既花園。一入門口見到種左好多花既花圃,花圃好令,但密麻麻放曬d紙羊喺度……又可以營造什麼氣氛呢?

我地一直向前行,成個花園都係人工鋪設出黎既東西。再行入d, 見到個”偶”曬野既湖,旁邊唔少水鴨棲息,湖邊有間cafe仔咁。最大娛樂係用$NT10買雀粟餵白鴿同水鴨。

老實講,真係冇乜野行。又冇乜野睇,skip左呢個景點都唔可惜。
image
image
image
image

 

行完一圈後,無無聊聊就係出面既餐廳區影下相。
image

 

佢間餐廳入面有個小小既展廳,展示所有既野都可以用紙皮做出黎,包括呢間屋仔咯~~~
image

 

成個小瑞士靠呢間七仔維持日常生活,細細間,但尿片呀、生活百貨等乜都有,好彩有佢咋!
image

 

適應左環境,第二日就行其他地方。民宿連接住一條步道,沿住一直行就可以「北上」直達青青草園。呢條路沿路應該有櫻花既,但櫻花季節已過,剩返D綠色植物咋。
image

 

步道係分開幾截,最斜果條叫「步步高昇」。顧名思義都知道大約係又斜又直果種。上去之前有D大牌檔咁,我就冇乜胃口了。
image

 

雲林炸竹虫呀……我就唔敢試啦 >0<~~~~
image

 

所謂步步高昇,其實又唔係真係好高好斜,沿路一直有梯級慢慢走上去,仲有數字話你知你仲有幾多級要行。全條步道大約幾百級咁啦,慢慢行好易行。
image

 

行到一半,又可以停落黎睇風景。
image

 

行完步步高昇,就係連接住馬場。平日三點幾有場馬術show,我地上去果陣五點多,勁多人沿步道走落黎,應該係睇完表演行返落去的。經過馬場一直向前行,就快接近青青草原了。

不過已經係晚上六點幾啦,未到草原,見到個大風車,行左陣就原路折返啦,費時夜媽媽帶住阿仔通山走啦!行到落山,我地要用電筒照住黎行呀。
image

 

落返去頭先話大牌檔既地方,就搵間啱食既開餐啦。台灣人好得意,定係山區特別d呢﹖佢地黎黎去去唔係燴飯就係火鍋,一係就係西式快餐。又話台灣出名多野食既……-_-!!!
image

 

第三日在民宿坐共乘去到青青草原。一落車就在雨霧中見到呢個類似迪迪尼堡壘。
image

 

其實呢個公園都唔係好大,但係佢亦提議你打個手印,咁就可以喺園區內外自由出入。
image

 

好大霧呀~~~~諗住又係白行一場。
image

 

慢慢行落山,落多幾級,撥開雲霧就開始聽到遠處傳黎「咩咩~~~」「咩咩~~~~」聲!
image

 

當日好濕又大霧,d羊呢~~~好污糟架~~

但係佢地一隻二隻個成個波咁一舊舊,都幾得意架。佢地隻隻埋頭食草,不問世事咁架。聽到有人拎住d羊糧盒,搖到沙沙聲,佢地就二話不說衝向你,好多女士都係咁嚇到尖叫架~~~
image

 

初時小朋友好like羊,後來佢地成日走埋黎索食,又哄到好埋,周身lamp咁,搞到小朋友好驚!要知道小朋友高度同佢地差唔多,試想同你咁高咁大既野走埋你係咁lamp你……都會驚啦﹖
image

 

草原上除左羊,仲有好多好多無數咁多好似藍梅咁既羊poo poo。小朋友又好驚踩到佢地,去到邊見到佢地都會叫、投訴,又企喺度唔行咁樣。我地兩公婆都唔知點算時,突然間佢又會走埋去隻羊咩咩身邊攬隻羊!真係畀佢嚇一跳!

隻羊仲愈要攬愈要走,小朋友就愈想追住佢黎攬。d羊咩咩都好厚毛的,按落去實bum bum咁好得意。或者小朋友以為呢d係stuffed animal,隻隻都攬得啩 🙂
image
image

 

青青草原最上面仲有最後一條步道。幾好行架,沿路好多楓葉樹,咁大個女,我都係第一次見真楓葉~~~好令!
image
image
image

 

我地由北面集口入場,一直向南行就好快行完。中間又隔左個大牌檔既食肆地方,又有幾間商店畀你買下野。……又係燴飯……
image

 

咁難得遇到個堅養蜂既地方,梗係即刻掃返d天然蜂蜜!
image

 

一直行落去,就會行到尋日經過既馬場,橫掂黎到,不如就睇下表演啦!表演完仲可以落場同d馬影相。原本我只係企喺度睇,但個蒙古人一野抱左阿仔上去,難得仔仔又唔驚坐定定喎,即刻影幾張相咯。
image

 

我想講,呢個先係成個清境既高潮!

包車由台中上去果時,司機叔叔好熱情咁介紹清境有咩好玩,跟住佢就話呢間餐廳既甕缸雞係最好食架!經過餐廳時佢仲專登落車拎張卡片畀我地。於是我地就安排最後果日去食。餐廳位置比較隔涉,要先打電話同佢約好時間黎民宿接我地,佢地接交服務係免費架!

我地打電話預約7點鐘,佢話已經full booking啦,唯有改6點啦!哇,6點!冇計啦照。佢地有好多咩N人合菜,即係套餐,N送一湯咁。我地order佢最化算既套餐,有雞有魚有湯又有飯。

先上桌係隻雞。而家諗返起都回味無窮呀!勁好食!我同老公一邊食都冇講過野,因為好忙掛住食呀!唔好意思,真係忍唔住食左幾啖先記得影相。
image

 

點埋淮鹽更好食!
image

 

跟住係條魚,佢地話係尋龍魚……印象中尋龍魚好似唔食得啵~~~但美食當前,真係唔理得咁多。佢D鼓油係甜架!食左幾日燴飯,食返餐咁好味又咁豐富既野,我同老公都滾動到喊!佢話條魚太大,所以魚頭魚尾會做埋湯一次上。個湯都好清甜,但我覺得隻雞同條魚真係very good!
image
image

 

呢d就係甕缸雞既甕啦!全部喺餐廳門外即直整,好惹味!
image

清境伊拿谷景觀餐廳
網址﹕http://www.inako.tw/
地址:南投縣仁愛鄉大同村仁和路信義巷36之1附1號

想了解多d,可睇其他blogger食評

食完仲有專車接送我地返民宿。話說當晚勁大霧,司機開曬車頭大燈都睇唔到路,只係睇到霧。但佢好似憑感覺咁喺彎路兜下兜下咁,就逐個客安全送達……真係神奇。

d霧大到真係乜都睇唔到。
image

 

呢間就係我地住既民宿——愛力家生活村。外表睇落真係好有山區小屋feel架!入面都算係咁,我地一家三口,佢畀成間屋我地。即係上下兩層,兩張大大床,張床好c服。我地就訓上面果層。環境都好清新優美,真係算唔錯。
wpid-wp-1431080749874.jpeg

話說某天上午我地啱啱醒左仲喺床,個人仲係朦查查,突然間好似成暑屋喺郁,郁左一陣咁。我仲以為自己前日奔波,個人暈暈地。老公跟住問我係咪覺得有d野好似搖搖地,回過神來就醒起可能係地震!就係全台北都有震感,成間台北101都喺度搖果次!同晚食飯,老公又問多我一次係咪地震,隔離枱都議論紛紛話係地震呀!但我就全神貫注餵仔食飯,乜那野都feel唔到啦!不過之後我都有少少驚驚地,訓得唔係好好…-_-!

玩完清境,我地就落阿里山啦。

Advertisements

One thought on “台灣之旅–清境農場篇

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s