阿仔返學嘞⋯⋯

今日唔係好開心。

原本今早著左條令令裙,一心用個好形象迎接新一天。

阿仔食晏,一如以往食得慢,唔係自己拎匙巾食,全程要我餵。佢自理能力已經開始令我唔放心。呢排煩緊為佢搵學校,要揀幼稚園,仲要睇埋小學,已經夠曬我煩惱。究竟重讀適唔適合佢?有冇學枚肯收佢?冇嘅話,佢要做龍年嘅細b, 點樣同人爭?好擔心⋯⋯

早幾日就係為佢呢啲野煩惱。每日放學接阿仔,老師都會有反映佢上堂情況:坐唔定、走出課室、老師叫佢冇反應、排隊推人、用頭撞人、搶人野,上堂拎左本貼紙簿出黎欣賞⋯⋯!。

不幸地,原本以為佢順利過度,但其實佢同其他小朋友一樣,改變環境都係會令佢不安。佢賴尿情況多左。原本佢識出聲去洗手間,呢兩日竟然喺學校換左兩條褲!放學之後變得異活躍,成日紮紮跳,每次課後同老師了解情況,佢會蚊車仔、跳跳紮,喺學校走廊周圍跑,講反話等等。呢啲行為叫我好擔心,又好激氣。

原本以為呢一必都可以慢慢適應,點知突然增加多個難題——眨眼。唔知點解呢幾日佢勁眨眼,初時以為眼癢?貪玩?但留意多陣就發現佢都有時候唔眨眼的。但一提到「學校」、「小朋友」、「表達」嘅時候,仔仔對眼就眨得特別利害。搞到佢爸爸好擔心。

爸爸一返到屋企就問佢有冇眨眼,又成日留意住佢,搞到連我都好緊張,心情跟住就差啦!

除此以外,我地亦有意畀小朋友再讀多年書,跟住又要同佢搵學校,唉,接連住呢幾單野就係夠我煩。搵幼稚園又要煩埋銜接小學,於是上星期小學自行收生遞表,啲家長喺度傾咩學校好,我又跟住聽,搞到我好似有小朋友升小學咁,真痴線。

阿仔因為返學適應麻麻地,接連返學前食果餐晏都出現問題⋯⋯真係唔止小朋友要適應,連我都需要時間去適應!

但我自己諗深層,如果一開始樣樣都順利,仔仔返學好開心,適應冇問題,我估我自己都會視一切為理你所當然,唔識得慢落黎感受小朋友變化嘅每個細節,珍惜小朋友每個第一次,仲有就係留意自己小朋友嘅需要。有事我地一心以為為咗小朋友好 ,同佢度身訂造好多野,其實好多時都冇真正考慮到佢嘅需要。

所以,我都好珍惜而家好好認識佢嘅機會。

唔單只小朋友踏入佢生命嘅另一個階段,佢嘅媽媽都一樣,同佢一齊踏入人生嘅新階段。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

Up ↑