3歲 · 去街街

平平淡淡的平安夜

平安夜,香港打工仔一般可放半天假。 本來沒有安排什麼節目,平靜地待到晚上參加子夜彌撒對我來說OK。老公卻想有點節目,畢竟是平安夜嘛,特別的日子還不想有點節日氣氛嗎? 吃過午飯,老公提議往嘉年華去,我還未搞清楚是什麼地方說跟老公和孩子上的士去了。 後來還覺得這是不錯的節目!購買$20入場券,但門券並不是一張紙,而是像credit card的東西,場內每個game都是額外收費,所以要到場內增值亭替那張膠卡增值,玩遊戲時工作人員用機器掃一掃那張卡,費用就被扣掉了。我還是第一次接觸這種嘉年華的消費模式,又的確挺方便!可能剛開幕,不是太多人,玩遊戲排隊不久便可;地方又很大,天氣又暖暖的,玩時很舒服。場內還有馬戲團!可是我們時間不夠,未能參觀。 入場後例必先來個合家自拍!小朋友原本不合作,要用橙汁利誘,才成功讓他笑對鏡頭⋯⋯    場內的確很多遊戲,有歡樂天地式的擲銀攤檔,也有不少大型機動遊戲,讓我心癢癢。場內特設兒童天地,讓幾歲以下的小朋友都能參與。這些賽車式遊戲,讓不少男孩子樂在其中!    玩完車車,隔離就係吹氣城堡,阿仔睇到眼定定,我地又排隊玩。仔仔玩得好開心!做父母的看見自己孩子玩得高興,就算不是自己玩,也覺得很快樂。   怎能少了經典咖啡杯呢?可惜杯子不能自轉,不過就算是這樣氹氹轉的,我都有點暈。工作人員姐姐問小朋友選哪個杯子,他說要粉紅色的,那個姐姐就覺得有點意外⋯⋯哈,我們的確馬上坐上了粉紅色的。 他意猶未盡,坐完第一次又馬上走去粉藍色的杯子裏,卻給我拉回來⋯⋯    那時快到六點了。小孩子有點累意,但還不肯休息,望著遠處的跳樓機,問我那是什麼。   後來是「大人時間」!我和老公都各自玩了一個機動遊戲,都覺得很刺激,很有樂趣!        嘉年華有巴士接駁到油塘地鐵站,十分方便!我們之後求其的選了間餐廳,希望能夠早點吃完晚餐後到聖堂望彌撒去。 可惜那餐廳卻慢得要緊,我們730入去,只點了一個套餐,最後卻要900才能離開。我們不停催促侍應,她們都扮聽不見看不到的,服務態度令人十分失望!   孩子也等到悶了,不停地搞東搞西自娛,後來更催著要回家去,真的很難輕鬆地坐下來享受晚餐。   沖涼後我們並沒有再出去,他還是如常地要我講故事給他聽。   ⋯⋯就是這樣,我們一家如此度過了平安夜,而我亦這樣過了第一次沒有子夜彌撒的平安夜,心裏有點失落。 畢竟人大了,平安夜很早對我來說就不是只是開party,借機徹夜不回家的日子。加上我是天主教徒,總覺得聖誕節復活節等重要的節日,都應該要去聖堂一趟,借機反思一下自己的生活。 原本也打算之前要試訂聖誕大餐,和家人度過一個比較glamourous的聖誕節,不過又碰上即將三場婚宴,於是把聖誕大餐計劃擱置。想吃大餐也不是為了食物,只是想建立一點聖誕傳統,希望小朋友長大後對聖誕節有點點和家人做點什麼的回憶。 我記得當年年年聖誕節都會跟家人到家附近稍為好少少的西餐廳吃聖誕大餐,還記得名字叫「紅寶石餐廳」。每個小朋友還有禮物呢!那時很期待聖誕節正日的來臨,那種期待變成了今天的回憶,對聖誕節更有莫名的好感。

買買買 · 扮靚靚

女人錢

真係好易賺。 我呢生人只係做過兩次GEL甲。 第一次係結婚,做左一星期就要remove左佢啦。因為自己太唔習慣有野頂住手指,做野唔方便。 第二次就係半年前(﹖)見到人地d甲做得好令好自然,又忍唔住去試下。不過唔過兩星期又去拆左。 今次終於試下自己黎! 經過log on,門口擺左個檔係做指甲嘅。其實已經擺左好耐架啦,不過我好少去留意。果日唔知做咩走去八八卦卦,d姐姐又好鬼nice喎,唔覺意就畀佢sell左我坐低試下先咁啦。 聽佢講成件事都可以喺屋企做,幾百蚊連埋盞LED燈帶返屋企自己做。可能果期覺得塊面已經玩都冇野好玩啦,所以就想睇下指甲有咩新意啦!個姐姐係咁倚同我試左隻手指尾,又用左我呢期最like嘅深棗紅色,好有X’Mas嘅氣氛!最重要係,個姐姐真係簡簡單單咁就做到出面GEL甲嘅效果! 哇,心動了♥ 買左佢套gel甲set連燈,跟住又買埋舊膠,做拋光喎~~   我都係第一次聽到指甲做拋光,ok,我知道呢件事係好common,我係第一次聽,ok﹖但拋完後又真係好令喔♥♥♥!就係上面果舊紫色膠,簡單咁磨磨下刷刷下,十隻指甲就閃令令發光的一樣!好開心喔!睇落好似好健康咁。 返到屋企即刻拎返N年前買落嘅指甲銼出黎用,覺得自己好女人。一邊做就諗返起細個見阿媽指甲長長,我以為人人天生大個左d指甲都係咁的,原來係要花過心思才有架。  我冇刻意去留長指甲,不過查左GEL甲就唔會去剪佢,只會用個銼去磨短佢。慢慢就會留長架啦。哈哈,我都係初初學人玩,所以D指甲好短。不過未玩指甲前我係好鍾意短指甲的。因為做野方便好多,又唔怕抓到小朋友。 但係今時今日,叫自己小心D咯~~~ 今次我試左白色閃令令的顏色:) 好開心呀:) 查完後我已經覺得有經置身白色聖誕嘅感覺啦^^ 希望佢地陪到我過聖誕啦!(聖誕前唔好崩呀唔該!^^) I am feeling so Christmas now♥♥♥ Merry Christmas to all!  

3歲 · Uncategorized · 去街街

赤柱德國聖誕品酒節

係呀,我冇講錯,個標題真係講曬重點架啦。就係喺赤柱舉行嘅德國聖誕村,其實所有人都當係品酒節咯! 但無知又天真嘅老公同我,睇到網頁介紹嘅相片,就覺得幾吸引咁,盲中中咁坐車入去睇啦! 我地喺銅鑼灣出發,去到燈籠街坐小巴,你老味條龍尾去到鵝頸橋!痴線架!有冇咁多人去呀!咁多人入去赤柱做乜呀!好驚呀!赤柱會唔會迫爆架?猶豫左陣老公就話去金鐘坐巴士,後來就轉話搭的士! 哇搭的士入赤柱咁重本呀?係呀,度度都人多,都五點幾啦,時間最重要。行去時代廣場見到條龍「哇!香港地搭的士唔駛錢咁」大排長龍,即刻再轉去Lee Gardens啦! 老公已經想縮,但得幾丁友排咋,排住先啦。排到阿仔瞓埋覺,我地先上到車⋯⋯ 上到車行香港仔隧道,跑馬地上緊橋已經塞車啦!做乜事今日咁多人?啲人好得閒架?又話自由行冇曬嘅?原來係海洋公園塞車,啲車塞到跑馬地! 過左公園以為雨過天清啦,一路入去沿途塞車呀!媽呀!今日發生什麼事?而家天寒地凍冇人去沙灘啦?個市集真係咁多人去?唔通連個天都唔鍾意我?想出街玩下都唔畀? 天已黑,我地仲喺淺水灣欣賞沿途風景⋯⋯過左往大潭嘅迴旋處,終於回復正常,的士靜靜地由中坎角一路滑行到市集。去到時覺得好似元旦倒數完咁,全街都係人。我地一落車即刻上左兩個鬼佬,司機又有著落。 沿住大街往前行就到聖誕村。 去到門口見到九萬人喺度自拍,老味有條佬掛住同條女影相,成隻手撞落我個頭度,sorry都冇句,仲要金睛火眼夾住個手機,祝你聖誕食白果! 好多人,好迫,唔知自己黎做乜⋯⋯一場黎到點都硬著頭皮去睇下。 原來係美食節!說好的聖誕村呢?去左邊? 勁多人排隊,點解香港人咁鍾意迫同排隊?好辛苦迫埋去發現全部喺度賣酒!啲鬼佬個個揸住個膠杯企埋一邊吹水⋯⋯車!除左好多聖誕裝飾外,根本同聖誕節扯唔上關係。勁失望。聖誕村隔離係雜貨booth, 跟本就係一個fair, 而呢啲賣物會隨時都有,勁覺得搵笨!小朋友喺附近原本已經有嘅遊樂區玩得仲開心。 入去前自拍是指定動作。    全日高潮係阿仔體驗了人生第一次face paint,佢好緊張呀,因為知道坐定定唔郁得,但支筆喺佢塊面撩撩下又好痕⋯⋯    姐姐手腳好快,幾分鐘就畫好隻恐龍,小朋友好滿意,自我陶醉中♪(´ε` )    十幾個檔得一個賣聖誕裝飾,仲要係made in China…       畫得咁令,拍照留念啦Y(^_^)Y