返左黎啦！好唔捨得呀~~~ 我自己都估唔到原來我會喜歡韓國！不過我去親旅行都係咁架啦！去到邊鍾意到邊~~~~ 原來韓國同大陸同日本都好相似。城市景觀其實同大陸、台南差唔多，都係好多矮矮嘅樓房，地面係商店，某啲繁榮啲嘅區先見方方正正嘅高樓大廈，有少少污糟，同埋周圍好多塵好多沙咁。 但去到少人嘅地方，佢地民居又好似日本咁，好多都係民居平房，密密麻麻咁遍佈成條街。 韓國地方好大，比我想像中大。我地今次由南至北咁玩上去，主要係配合櫻花花期。韓國賞櫻有幾個地方，釜山就應該係最多人流，所以我地避開冇去，反而去左最南端濟州島，我對韓國嘅印象亦由果度開始。 好。 事實上旅程開始前的確發生了一個小插曲。(寫這些時的確忘了這個，是老公提醒我要記下！我亦覺得這的確是旅程回憶的一部分……) 小朋友因上幼兒班，病倒是挺常發生的事。旅行前我一直盡量保持家居清潔，小朋友去到邊都要消毒！洗手！就是不想他病到。可是人算不如天算，他竟然於出發前的一天病了，而且看上去還有點呆。到了晚十一時多，他就開始發冷了。唉……最不想發生的事情就要發生了。到了晚上三時多，已經發燒39點幾度，我和老公差不多整晚都沒睡，除了照顧孩子，還不斷想著應變計劃﹕取消行程﹖遲一點出發﹖只有我們去﹖想過了不同方案，最後還得看孩子情況。不幸大之大幸是我們的飛機是下午二時多才起飛，所以到了第二天在睡眠極度不足的情況下，2馬上帶孩子往診所去。要知道這區的診所預約時間十分緊張，很多時半個小時左右，早上的預約就會滿了，而且還要親身到診所預約。因為飛機二時多起飛，我們必須十二時到機場，換言之十一時我們就要出發了。因此只有十一時以前的預約才適合我們。我們還沒有吃早餐就要東奔西跑的去預約。本來是約不到的，後來連奶奶都出動跟我們一起預約，最後才”ai”到了一個時間。未出發我們就已經疲於奔命了。後來徵詢醫生意見後，孩子是可以跟我們一起旅行去，我們才算放下心頭大石。我都被孩子傳染了，請醫生都給我開點藥，我們就馬上坐的士飛到機場去。 就是這樣，我們的行程是如此十萬趕急中開始的。 第一天行程(2016/03/29)﹕香港–>首爾 (停留一天) 因為香港去濟州直程太貴，我地選擇先去首爾停一晚，然後第二天才乘搭內陸機往濟州。 阿仔大啦，而家對於拍照一事不甚滿意，每次對準鏡頭都擺這副臭臉出來…   快要上機了，阿仔還以為飛機馬上要起飛，不停催促我和老公要上機呢！佢急到要喊咁滯😂   終於到達仁川機場啦，哇排隊等過關條隊長到呢～～～我地肯定等左超過一個鐘頭，就黎見到關員時突然有個著住制服嘅阿叔出黎巡，好似好高級咁。突然有刻佢同我四目交投，佢再掃視我推緊嘅bb車，佢就向我招招手，哇我好似無證居民遇到英女皇特赦咁款向佢沖埋去，就連果啲欄帶都畀我撞跌埋。我聽到後面有人跟住黎，但佢即刻擺個手勢，手心向住佢話唔關佢事，我馬上叫埋老公過黎，關員就同我地做左個特事特辦過左關啦。   終於過曬關攞埋行李搭機鐵啦😭😭😭飛機由下午兩點香港起飛，黎到呢刻已經係晚上9:30⋯⋯真係好L攰。   我地呢晚先喺首爾停留，就直接住喺首爾站附近旅館，第二日再坐機去金浦機場。放低行李後匆匆搵到間24小時食店，仲有個普通話勁流利講野有兒化音嘅人招呼我地。 入鄉隨俗，呢間野係坐喺地上面食野，我覺得好似去左韓劇咁呀^^   佢個menu係韓文，完全唔明。但佢地「訓練有素」，即刻拎左個只有三款食物嘅中英文菜單畀我地。我地點左個薯仔豬骨鍋，但最好食係佢嘅配菜——紫菜！佢個紫菜有芝麻，撈落啲飯度好味到飛天(*^◯^*)   太攰啦，第二日要走先匆匆影兩張相留念。   上面係訓覺嘅地方，企直唔到一個人。地板有暖化系統，成晚暖粒粒，巧c服呀～～（≧∇≦）   我地間房望出去，都好開揚。但唔知點解好似大陸咁，有層煙霧濃罩住的⋯⋯   我地喺首爾火車站幫襯呢間所有香港人都會好食嘅Paris C…忘了！的確係好多包，好多款式，目不暇給，而且好好食。可能因為呢個站係大站，一大清早就好多上班族入黎食早餐幫襯。成室咖啡香，好正。典解香港冇呢啲餅店呢？   我地繼續搭機鐵去機場。佢地啲廣告都離不開叫買買買。但買野唔係女仔專利，你睇啲泡菜仔化曬妝咁，扮到幾令！   金浦機場係內陸機場，我地就喺度逗留一陣。佢啲飛機去得好快，閘口幾乎三四個字就轉queue，去唔同地方架啦！   終於到我地上機啦！哇，我冇諗過係咁直接喔！我地入左閘口，轉左幾層樓梯就搭接駁巴士，直接黎停機坪上機啦！我仲見到有個機師成個model咁高高大大，喺機倉門口迎接乘客，最重要係佢都係化左妝，成塊面白色的！   過左45分鐘，我地終於到達濟州機場啦！