韓國之旅—第一天

返左黎啦!好唔捨得呀~~~

我自己都估唔到原來我會喜歡韓國!不過我去親旅行都係咁架啦!去到邊鍾意到邊~~~~

原來韓國同大陸同日本都好相似。城市景觀其實同大陸、台南差唔多,都係好多矮矮嘅樓房,地面係商店,某啲繁榮啲嘅區先見方方正正嘅高樓大廈,有少少污糟,同埋周圍好多塵好多沙咁。

但去到少人嘅地方,佢地民居又好似日本咁,好多都係民居平房,密密麻麻咁遍佈成條街。

韓國地方好大,比我想像中大。我地今次由南至北咁玩上去,主要係配合櫻花花期。韓國賞櫻有幾個地方,釜山就應該係最多人流,所以我地避開冇去,反而去左最南端濟州島,我對韓國嘅印象亦由果度開始。

好。

事實上旅程開始前的確發生了一個小插曲。(寫這些時的確忘了這個,是老公提醒我要記下!我亦覺得這的確是旅程回憶的一部分……)

小朋友因上幼兒班,病倒是挺常發生的事。旅行前我一直盡量保持家居清潔,小朋友去到邊都要消毒!洗手!就是不想他病到。可是人算不如天算,他竟然於出發前的一天病了,而且看上去還有點呆。到了晚十一時多,他就開始發冷了。唉……最不想發生的事情就要發生了。到了晚上三時多,已經發燒39點幾度,我和老公差不多整晚都沒睡,除了照顧孩子,還不斷想著應變計劃﹕取消行程﹖遲一點出發﹖只有我們去﹖想過了不同方案,最後還得看孩子情況。不幸大之大幸是我們的飛機是下午二時多才起飛,所以到了第二天在睡眠極度不足的情況下,2馬上帶孩子往診所去。要知道這區的診所預約時間十分緊張,很多時半個小時左右,早上的預約就會滿了,而且還要親身到診所預約。因為飛機二時多起飛,我們必須十二時到機場,換言之十一時我們就要出發了。因此只有十一時以前的預約才適合我們。我們還沒有吃早餐就要東奔西跑的去預約。本來是約不到的,後來連奶奶都出動跟我們一起預約,最後才”ai”到了一個時間。未出發我們就已經疲於奔命了。後來徵詢醫生意見後,孩子是可以跟我們一起旅行去,我們才算放下心頭大石。我都被孩子傳染了,請醫生都給我開點藥,我們就馬上坐的士飛到機場去。

就是這樣,我們的行程是如此十萬趕急中開始的。

第一天行程(2016/03/29)﹕香港–>首爾 (停留一天)

因為香港去濟州直程太貴,我地選擇先去首爾停一晚,然後第二天才乘搭內陸機往濟州。

阿仔大啦,而家對於拍照一事不甚滿意,每次對準鏡頭都擺這副臭臉出來…
IMG_3718

 

快要上機了,阿仔還以為飛機馬上要起飛,不停催促我和老公要上機呢!佢急到要喊咁滯😂
IMG_3716
IMG_3622

 

終於到達仁川機場啦,哇排隊等過關條隊長到呢~~~我地肯定等左超過一個鐘頭,就黎見到關員時突然有個著住制服嘅阿叔出黎巡,好似好高級咁。突然有刻佢同我四目交投,佢再掃視我推緊嘅bb車,佢就向我招招手,哇我好似無證居民遇到英女皇特赦咁款向佢沖埋去,就連果啲欄帶都畀我撞跌埋。我聽到後面有人跟住黎,但佢即刻擺個手勢,手心向住佢話唔關佢事,我馬上叫埋老公過黎,關員就同我地做左個特事特辦過左關啦。
IMG_3644

 

終於過曬關攞埋行李搭機鐵啦😭😭😭飛機由下午兩點香港起飛,黎到呢刻已經係晚上9:30⋯⋯真係好L攰。
IMG_3650

 

我地呢晚先喺首爾停留,就直接住喺首爾站附近旅館,第二日再坐機去金浦機場。放低行李後匆匆搵到間24小時食店,仲有個普通話勁流利講野有兒化音嘅人招呼我地。

入鄉隨俗,呢間野係坐喺地上面食野,我覺得好似去左韓劇咁呀^^

IMG_3652
好肚餓呀,餓死人啦,食乜都得啦( ̄▽ ̄)

 

佢個menu係韓文,完全唔明。但佢地「訓練有素」,即刻拎左個只有三款食物嘅中英文菜單畀我地。我地點左個薯仔豬骨鍋,但最好食係佢嘅配菜——紫菜!佢個紫菜有芝麻,撈落啲飯度好味到飛天(*^◯^*)
IMG_3654IMG_3656

 

太攰啦,第二日要走先匆匆影兩張相留念。
IMG_3661

 

上面係訓覺嘅地方,企直唔到一個人。地板有暖化系統,成晚暖粒粒,巧c服呀~~(≧∇≦)
IMG_3662

 

我地間房望出去,都好開揚。但唔知點解好似大陸咁,有層煙霧濃罩住的⋯⋯
IMG_3663

 

我地喺首爾火車站幫襯呢間所有香港人都會好食嘅Paris C…忘了!的確係好多包,好多款式,目不暇給,而且好好食。可能因為呢個站係大站,一大清早就好多上班族入黎食早餐幫襯。成室咖啡香,好正。典解香港冇呢啲餅店呢?
IMG_3665

 

我地繼續搭機鐵去機場。佢地啲廣告都離不開叫買買買。但買野唔係女仔專利,你睇啲泡菜仔化曬妝咁,扮到幾令!
IMG_3667IMG_3668

 

金浦機場係內陸機場,我地就喺度逗留一陣。佢啲飛機去得好快,閘口幾乎三四個字就轉queue,去唔同地方架啦!
IMG_3680IMG_3684

 

終於到我地上機啦!哇,我冇諗過係咁直接喔!我地入左閘口,轉左幾層樓梯就搭接駁巴士,直接黎停機坪上機啦!我仲見到有個機師成個model咁高高大大,喺機倉門口迎接乘客,最重要係佢都係化左妝,成塊面白色的!
IMG_3700

IMG_3706
呢個pose太有氣勢啦!我like!

 

過左45分鐘,我地終於到達濟州機場啦!
IMG_3721

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

Up ↑

%d bloggers like this: