澳門行(多相)

5月中,我同老公放低小朋友喺奶奶度,然後好好地、圓滿地、充實地咁過左澳門渡個三日兩夜嘅假期!😊

原本老公同佢朋友約好左,6月初兩家人一齊過去玩。老公認為同小朋友一齊其實好難真正渡假,所以佢就提議不如黎個pre-trip trip先啦😆😆😆,我梗係舉腳贊成!

等埋老公放工我地就坐黃昏嘅班次出發。到埗時都係綿綿細雨,我地行去對面巴士站坐酒店專車,幾分鐘就去到酒店。

 

萊斯酒店

老公搵到間好靚嘅酒店﹕萊斯酒店。原本剛剛坐完船嘅我仲暈暈地,而且落雨搞到成身濕曬,up住個人好唔舒服。一入到去見到佢嘅裝潢,天花板吊住幾盞巨型水晶燈,室內裝修模仿美國18、19世紀維多利亞式設計,仲有酒店獨有香噴噴嘅味道,入到去真係成個人放鬆曬。

酒店只有三層,地下係大堂、餐廳,二樓三樓先係客房。唔少人都黎呢度影婚紗相,都幾有歐洲feel架。

 

係咪好令呢﹖;)  除左巨型水晶烙,仲有條樓梯慢慢咁轉落去,我覺得自己好似走左入D介紹鬼佬大屋嘅室內設計雜誌咁,真係富麗堂皇呀^^

 

都話左佢係模仿維多利亞式設計,咁呢D Fireplace梗係唔少得啦!我都好想自己屋企有返個!我就係特登叫老公同我影左張,等將來屋企再裝修時參考一下。

 

好肚餓呀!check-in settle down之後即刻出去醫肚啦!話說此行係隨意行,乜野都唔plan (我唔plan…我一向都唔plan架啦~~),所以食乜玩乜都係就地決定。果晚好大雨,我地問酒店借左把大遮,沿住漁人碼頭行,就想搵間比較有特色嘅食店。

後來我地搵到呢間葡萄園餐廳,講明係食葡菜架。我一向都唔係好好葡菜,即係諗到一pat黃色嘅醬。咁話明旅行係放空心情腦袋,最緊要係open-minded,一場黎到就試下啦!哇,真係冇揀錯!唔入黎就真係後悔啦!

 

葡式海鮮炒飯⇓   老公話唔覺咩特別,可能我肚餓啦!我就覺得好好食,d海鮮好鮮味,同喺香港食嘅海鮮飯真係唔同架!

 

左邊果個叫非洲辣雞。原本我都驚真係好辣,叫自己做辣雞喎!但原來係ok辣啦!但係勁勁勁惹味!我又係一d都冇後悔點左呢個!都係果句,老公話冇乜特別,但我就覺得超好食!!成巡飯都食得好開心!老公就覺得我莫名其妙natural high,認為我嘅證供唔可取。不過食得開心就冇所謂啦!

漁人碼頭

食完飯之後雨就停左…….一陣。我地趁機會周圍行。漫無目的咁沿住漁人碼頭行,見到開左好多酒店,有幾間仲要就黎開幕。入面裝修好令,1樣樣野都好宏大﹕樓面好高,石像好高大等等,呢d我喺香港好少見。不竟香港土地問題,乜都將貨就價,樣樣野的的色色咁。但呢度係比香港更細嘅澳門,唔係真係歐洲,又唔係大陸,但人地有空間做到呢d…果一刻我覺得自己眼界跟住土地空間擴闊了。

呢jar意大利式建築相信係隨住威尼斯人嘅成功而接住出現。呢d都係屬於另一「勵」系酒店,漁人碼頭聽本地人講係屬於本地有錢佬,人稱碼頭佬,果幾間「勵」字開頭嘅酒店都係佢。

酒店未起好,我地就趁住夜晚冇人入去影下相玩左陣。

 

玫瑰聖母堂

過左一晚,我地坐的士去到議事堂前地,就由果度開始漫無目的咁行。澳門出名多聖堂,可以的話都想逐間入去睇。第一間參觀嘅,差不多係地標——玫瑰聖母堂。澳門聖堂跟香港的很不同。香港的大抵都進行了不少加建和翻新,設計較時尚一點。澳門的跟我在歐洲看見的都差不多!由聖堂外牆至堂內的擺位和設計,都是非常歐式的!跟香港的完全不同!這些點滴都讓人看到天主教在不同地區發展的歷史變化!

 

早上看過了聖堂後就吃了一個普通而不甚好吃的午餐。

 

盧家大屋

接著我們來到盧家大屋。喜歡中式建築的,強力建議一定要來這裏跟下文介紹的鄭家大屋看看。我諗清末時期,香港同澳門其實分別唔大。屋內有展覽介紹當時屋主係咩人,有咩人住喺度等等小資料。呢間大宅可一窺當時中國大戶人家嘅生活環境係點樣,再加上小小想像力,就好似睇緊文初劇呀,或者睇小說咁。好得意!

估唔到以前嘅人(清喉嚨)應該係有錢人嘅生活真係咁精緻。d屏風呀,呢個天井設計尤甚特別,喺香港真係未見過!我幻想以前d女士仲要紮住腳咁喺呢間屋行黎行去,出出入入都有妹仔服侍,唔知以前d人感覺會係點呢﹖當佢地見到現代女士連餐飯都唔識煮,又要拋頭露面做野,有d仲養埋一家大細咁,唔知對以前嘅女士有幾大衝擊呢﹖

 

入到去其實好舒服,人不期然會自動安靜落黎。入面d廳房全部四四正正,絕對唔會三尖八角,d床又大張。我估呢d就係中國人建築其中一種特色,講究恪靜、空同大自然美。

 

我最鍾意呢d一入門口就見到嘅養左金魚嘅水池同果樹。香港饒宗頤會館都係咁。入到去一眼就望住個魚池,心就會慢慢靜落黎,出面有幾喧鬧都唔關呢刻嘅事了。

 

主教座堂

我地一直向山上慢慢行,黎到主教座堂。聖堂出面就係一個廣場,好似意大利果啲咁,聖堂出面一定有一塊大大的平地,讓唔同嘅人喺度hae下,休息吹下水咁。聖堂除左做崇拜嘅地方,亦有少少社區服務性質。入面同天主傾計,廣場就留畀左鄰右里連系嘅地方。香港聖堂似乎冇咁嘅地方做社區野,一大塊平地hae喺度唔起樓更買少見少,愈黎愈懷念回憶中的香港。

瘋堂斜巷

呢座建築物據說以前喺收容麻瘋病人嘅,所以今日呢帶就叫瘋堂斜巷。成間屋都係葡汁色的,又有紅紅綠綠嘅顏色,同香港舊式建築物好唔同。大家都係殖民地,但色彩好唔同,會唔會係葡國人係活潑啲呢?

澳門隨處都見到呢種小街小巷,路面唔係用瀝青鋪的,而係好多粒好細塊嘅磚仔砌出黎,中間仲有唔同嘅圖案區分。

但係建築物普遍好陳舊,牆身好多油漆已經一塊塊剝落,又好多塵。不過就咁睇真係好似歐洲小街。香港已經冇曬呢D景致了。

 

婆仔屋

沿住瘋堂斜行一直上,就係婆仔屋了。婆仔屋來源我唔清楚,而家入面全部變成art gallery或者公共機關。入面仲有間小店,小店及產品包裝行vintage路線,入面擺賣的全都是店主從葡萄牙入的產品。後來才知道原來是很出名的天地百貨。難怪當天我聽到有香港人說專情過來找這間小店呢!那天我的喉嚨不太好,店主很好人的給我試試正在擺賣的香草薄荷糖,食後真的覺得喉嚨舒服了不少。不過又怕大熱天時帶著包會融掉的糖,最後沒有幫襯就走了。店主很好人,都沒有白眼我……。

 

塔石廣場

因為澳門是一個挺小的地方,大部分的地方我們都是走路去的,跟著地圖一直走,沿著斜巷一直行,不知怎的就來到了塔石廣場。那廣場很大很大,令我想起以前的維園。這兒都是政府建築物多,中間有一個圖書館。好奇下想看看澳門人的圖書館是怎樣的,便走了入去涼冷氣。圖書館真的比我想像中小,有點失望。澳門人怎麼了,他們都不怎樣看書嗎﹖

 

到了下午茶時間,老公說這兒有間小店的雪糕出了名,我們也慕名來光顧。圖中的就是鮮果奶昔了。不過它實說,我有點失望喔!因為味道不是真的很出色,賣相也不特別,而且很細杯耶~~~~

後來跟朋友再次光顧,方知道原來此地最出名紅荳雪條和雪糕三文治 🙂  真好!不是三明治喔!很喜歡那懷舊包裝。

 

威尼斯人

威尼斯人開業已久,今次是我第一次造訪,心情真的有點興奮!心裏常常想它跟真的威尼斯有差多遠呢﹖

我覺得黃昏時份最美,因為幾乎所有建築物都會發光,襯托著寶藍色的天空,真的很有璀璨繁華的感覺!img_9111img_9112img_9113

 

入黑後就入去酒店範圍走一圈吧!裏面金光四射,所有東西都是金色的!富麗瑭煌就是這一種感覺吧!到處飄著酒店獨有的味道,雖然人來人往,不過地方真的很大,所以一點擠迫感都沒有。還有不少gondola在運河上走著,街道上兩邊都是商店。那些橋呀、小碼頭之類的跟真的威尼斯都很相似喔!不過真的威尼斯兩旁盡是小店,並不是這裏什麼的大牌子喔!而且到處都有冷氣,沒有威尼斯令人討厭的蚊子,實在太舒服了!

來到這兒我一定要去參觀娛樂城!yeah,就是賭場了。可惜入內不准拍攝,我只能在外邊拍拍好了。

到了晚飯時間,已經是晚上九時多了!酒店也會將燈光調暗,讓人似置身當地感覺。哈哈,我覺得自己似水族館裏面的南極企鵝或者北極熊耶~~~~

酒店裏的東西樣樣都很貴。右下角那個food court式葡國雞飯加一杯可樂,盛惠$HK99!

 

點都要喺so called正門影返幅到此一遊!威尼斯人,我黎過啦!^^

 

澳門美高梅

食完飯都十點幾啦。但我仲未玩夠喎!一場黎到,唔係就咁返酒店呀~~~夜媽媽冇咩好睇,不如坐的士去睇酒店啦!不過因為都夜啦,所以只能揀一兩間,我揀左MGM呢度。我想知道搞電影的,搞酒店又會係點﹖一入到去,真係好似去左片場咁,心裏面真的放煙花咁大叫﹕「哇~~~~好令呀!」好似去左奇幻世界咁,桃紅色的燈光,入面仲有個巨大魚缸,好奢華呀!果種感覺就係好紙醉金迷,好揮霍呀!因為佢地做酒店的,客人的感覺(即入住experience)係最重要。客人感到自己似上賓的,當然會對酒店留下威好印象。酒店為左令客人有賓至如歸嘅感覺,除左服務態度要殷勤(軟件),設施(硬件)亦要十足十。大堂設計來唔來換下景,就好似商場耐唔耐搞下show咁,令人有驚喜感覺。當酒店方面不惜工本咁時常換畫surprise你,作為客人嘅我,會好開心。就好似有人好~~~花心思去氹你歡喜咁,你只需要stand there and be surprised!!! 我會覺得好有被spoiled嘅感覺!而且no guilt!How pleasurable! 

梗係唔少得同佢地隻招牌獅子合照啦!

 

 

福龍葡國餐廳

我地起身已經好晏,一出門口就要食brunch了。第一站係紅門窗街,入面有好多食魚翅的店。但因為冇做功課,我怕畀人lurt,所以都係寧願揀間傳統葡國餐廳試下。呢間門口令我諗起威尼斯住果間airbnb對面有間類似嘅餐廳,又係入面黑蚊蚊,唔知食乜的,所以今次就入去試下。

唔知呢間野係咪好出名呢﹖我地等食時,發現唔少香港人走入黎,聽佢地講都係之前訂好位的。哇好似我地兩個mau李咁walk in入黎仲有位,真係好好彩!我地叫左兩個焗飯,oh no,份量真的太多了,除非好大食的人才好叫兩個。

 

紅門窗街

我覺得呢個景致好有水彩畫feel。

 

永利酒店噴水池

當晚我地就黎到呢個噴水池睇表演作結。坦白講,我從來冇諗過噴水池有咩特別,不過原來睇住D水柱跟住音樂節奏舞動,我竟然莫名其妙地有一絲感動,而且D歌好好聽。老公VEGAS果邊永利仲好睇仲好聽,雖然完全覺得自己變成一個100%遊客,但有機會我都想去試下被感動一次!

佢個噴泉show好短,大約十幾分鐘。不過15分鐘之後又有,而且每次表演都唔同。不知不覺企企下就一個鐘啦。img_9143img_9142

 

食完野又出發周圍行。澳門真係隨時隨地都係呢d建築物,新舊交雜,華洋雜處喔!

 

鄭家大屋

行行下行左去鄭家大屋。同之前盧家大屋唔同,呢度唔係一間屋,直情係幾代人都曾經住喺度。原本只係一間大屋,後來漸漸加建,最後變成三楝連埋一齊嘅大宅,成條村咁!講真,我真係唔敢想像當時住喺度嘅人會有咩諗法……因為……幾家人住埋一齊喎!雖然各有各自己房間姐,親戚之間一定有唔少是非計較之類。仲要連埋工人一齊呢!閒閒地六七人住喺度,想安靜下都難!大戶人家好多規矩要守,行事說話都唔似而而家咁隨便或者自由,仲要以前嘅女士係紮腳架,唔該!雖然入面好令好舒適,亦好食好住,但我就覺得有一種坐監嘅感覺,作為女性做咩講咩都要先睇人眉頭眼額……有時我會諗,如果時空交錯,而家嘅女人去左果度,或者果度嘅女人黎到而家呢度,又唔知會發生咩故事呢﹖

 

主教山

慢慢又行到主教山。哇!上山條唔超斜!著高踭前唔該先諗諗!事前唔知道佢會閂門的!我地去到佢剛剛要閂門,畀個阿伯黑曬面係咁催我地走,好L冇癮喎!

 

大三巴

行程甘不多黎到尾聲,所以最後決定都去大三巴行下。經過呢度想入去個圖書館睇睇,OH,CLOSED。

 

前日可能因為假期,哇,d人多到呢,喺條巷仔度淨係見到好多粒黑色嘅人頭!所以我地嚇怕左唔敢上黎。At last, 我地都黎到呢度。之前仲想行上去個博物館,……點解又係咁早閂門呢﹖

 

戀愛巷

臨走前去埋戀愛巷影張到此一遊啦!

然後不得不介紹喺外巷碼頭呢間食店,我叫左呢個五香牛肉麵,係勁勁勁勁好食!

過左冇幾耐,今次我地一家三口同埋老公朋友一齊再次造訪澳門啦!因為上次二人行,好多想去嘅地方我地都去左,今次帶埋小朋友黎,就覺得放心舒服好多。唔駛舥得好多地方或者事情因為有小朋友而做唔到。今次我地就stay喺Sheraton。哈哈!終於住左喺果堆酒店城入面!好開心。

 

真係好有歐洲小街感覺!點解香港冇曬呢d架…

 

官也街

我地先去官也街醫肚,之後又開始慢慢周圍行了。黎到呢度我唔清楚係咩地方,但肯定係買手信嘅地方!我地幫襯左呢間「必達士」甜品店(Bitter Sweet, 很可愛的中文譯名),見佢好似好有特色咁,仲有傳統木康蛋糕。我點了藍山咖啡布丁,wow,d咖啡味勁濃,真係好香!四個大人四杯甜品,over $hk150!!!!

 

龍環葡韻

然後就黎到呢個龍環葡韻。巧多年前仲同老公拍拖時黎過呢度。當時因為我好鍾意呢d殖民地feel嘅所有野。不過當時忘了咩原因唔入得去。今時今日再黎,哈哈,景物依舊,人面全非。我地都老曬仲有自己家庭。好得意的,葡國人唔知點解樣樣野都細細件咁,d家具都係,樣樣野的的式式,點解會咁呢﹖歐洲人好注重個人儀表、衛生同埋家庭。浴室好大,仲會有個好大嘅浴缸。又有個好大嘅煮食爐。同埋佢地真係好有歐洲特色,屋企入面會有神壇,擺好多耶穌呀、聖母像之類嘅喺屋企,宗教氣息好濃厚。我覺得同英國殖民地好唔同。我諗英國人真係好實際,喺香港我從來唔見英式設計會有呢d咁有宗教特色同重視家庭嘅原素。

 

有冇人知講咩﹖係咪拉丁文﹖

 

難得同小朋友出黎,梗係要影返d合照。

 

小朋友竟然主動要求影相!原因係呢個青蘋果!畀我直行直過完全無視呢舊野嘅存在啦!但佢見到即刻指定要同呢舊野影相。小朋友睇嘅角度真係好特別!img_9187

 

兩日一夜,第二日就要退房,出發之前影張相留念下啦~~我地住果棟好似叫SKY TOWER,對面係唔知咩EARTH乜,Sheratom就係呢兩楝building組成的。

 

見到呢d建築物,我真係深深感受到商人嘅威力。為左要賺錢,真係無所不用其極,你要咩佢就畀咩你。因為知道呢一切一切都係假的,都是replica,都是一堆堆沒有歷史,沒有故事的東西。它們的存在就是要令你錯覺自己身在異地,享受異國風情。的確,雖然我身在澳門,但我卻總是錯覺自己去了強國,因為每一樣東西每一個地方都很巨大!。但慶幸的是,起碼,手功還算過得去,不會覺得粗製濫作,濫於充數。

自助餐,我認為質素真的很一般……不過小朋友何時何地都可以很容易笑,然後又很容易喊……

 

國父紀念館

吃過午餐後又可以繼續行程了。朋友介紹下我們到了國父紀念館。跟香港的有點不同,因為香港對孫中山描寫多則重於他的個人事跡及革命事業的成功,家庭等等從來不多提及。要數孫中山的妻子,我至多想起當年張曼玉飾演的宋慶齡。但原來此地卻是孫中山首任妻子即元配夫人盧慕貞的住所。美其名是國父紀念館,我認為倒不如是孫中山元配夫人的家庭生活所才對。

這幢建築物真的很有特色,如果對殖民地建築物有興趣的朋友,我認為值得一訪。我們在這兒晃了很久才離去。

 

饒宗頤學藝館

後來我們兩家人又閒閒晃晃的來到荷蘭園大馬路附近。這兒出了名很多葡式建築物,我們走進了其中一間「嘆冷氣」,因為外面真是太熱了。恰巧這兒是澳門的饒宗頤學藝館 ,就讓我有點點親切感,因為不久前才去過香港的饒宗頤文化館。其實我們完全沒事做,一心只是進來涼一涼冷氣,打算休息一下就走了。

一進去就有些姐姐給我們遞了幾張印有荷花圖案的填色紙,而且內裏有個挺不錯的地方放了幾張枱,上面放滿了顏色筆,心想正好給小朋友坐在這兒解解悶,免得我參觀時嚷著要抱。

房子雖然是西式設計,但入面很多地方都用了中式物品和擺設,刻意營造了一種中式特有的恬靜情懷。例如照片中的花,我不知道那是什麼花,但那種形態彷彿水墨畫裏才會有。還有門上的裝飾、椅子和屏風等等,都滲透著中式家具風格。我最欣賞的是中西合壁的設計。

正當小孩子塗顏色,我們又在涼冷氣之際,突然有位年輕人上前自稱是澳門日報記者,訪問我們對學藝館的感覺。因為我都是過來人,明白要找人交功課的難處,所以都不怕羞的接受訪問。回港過了幾天,忽發奇想自己會否見報了呢﹖哈哈,原來真的上報了

 

最後我們逛逛大三巴就乘船回香港去了。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

Up ↑

%d bloggers like this: