一月韓留(香港—仁川—明洞《王妃家》—梨大)

聞說一月係韓國最寒冷嘅月份,溫度大部分時間都係零度以下。我同老友A子特登挑了這個月份去首爾一趟,決心要體驗一下香港永遠感受唔到嘅冬天。

雖然只係短留一周,臨行前亦草草的draft左個行程,資料搜集真係唔多。我地冇坐廉航,不過為左玩盡啲,晨咁早就要出發。

話說之前果晚仲執緊喼,訓得三四個鐘就0530去接新娘啦!因為好彩我地住得算近,由我屋企坐的士出發再兜埋A,就直接去機場了!
img_4516-1

香港人旅行例牌:機場打咭。
img_3782

香港果日起飛天氣麻麻。
img_3787

雖然只訓左三、四粒鐘,但去旅行喎!邊訓得著?我最鍾意喺飛機睇戲!因為唔想喺戲院睇但又想睇嘅戲,絕對係呢個時候慢慢歎的!所以我睇左Woody Allen嘅Cafe
Society,真係冇後悔冇入場睇!睇埋半套Le Chocolat,Johnny Depp都未出場我地就要落機了。首爾天氣好好!個天咁藍,心情都跟住好起來!
img_3796
巧痴線咯!黎過兩次,每次出境都要打個超大蛇餅等左個幾鐘先過到關⋯⋯上次同阿仔去,排排下隊有人格外開恩,無啦啦將我地一家三喺人堆中抽出黎做過關,後面啲大6以為皇恩大赦即刻跟上黎,高大威風嘅關員立馬喝止佢地,佢地又要入隊排過。今次得我地兩個老少女,梗係要跟隊啦⋯⋯img_3797

搞掂曬啲野,已經下午兩點啦!我地係坐八點機,凌晨五點半出發的⋯⋯OMG……但係一出機場就感受到凜冽嘅韓風,寒風!哇!好興奮呀!機場溫度計話我知得負六度咋!負六度呀!咩黎架?我連羽絨都唔著,直接殺出去巴士站等shuttle bus!凍到死呀!手指痺曬呀!好興奮呀!img_4517

img_3801
我地坐巴輕直接到住宿附近。到埗後就check in Airbnb, settle down後終於有時間食野啦!

我地住喺明洞,超方便,一落樓下咩都有得買有得食!A就話不如去食王妃家왕비집。喺香港成日聽佢盛讚呢間野,咁遠水路黎到第一件事竟然係食王妃家,我諗唔到拒絕嘅理由。

放低行李換件羽絨就出發啦!當我仲係好新鮮,對周圍環境仲ya ya烏時,A已經帶我穿梭唔同嘅小巷,轉下彎又到大街咁,唔駛一陣就去到佢地門口啦!
img_4548

一入到去暖粒粒,櫈都未坐暖,A迅雷不及掩耳就點左兩個牛里脊,一個牛??同埋一個豬肉。等左陣店員拎左個熱辣辣嘅火盤過黎,入面仲有燒到紅卜卜興合合嘅炭!餐廳本來已經好暖,加埋個火爐,我冇辦法唔圍爐取暖咯!

真係好舒服!對手烘埋去,唔駛一陣就暖左。可能剛剛喺好凍嘅地方入黎,馬上又暖粒粒,果刻手指竟然突然尺痛!一冷一熱嘅感覺就係咁!喺負六度嘅地方生活就會咁!img_4518

我想講,食物真係好好食!而且專人企喺度燒埋剪埋,我地疊埋心水做兩個大懶人,加上好肚餓,坐左埋去,我同A冇講過野,野食一黎就密密食。我呢世人第一次嗜到咩叫juicy,而且好似有陣牛油香咁,非常香嫩,入口鬆化,A真係冇介紹錯!真係好‧好‧好味!
img_4546img_4547

食完王妃家已經到左夜晚。我地冇乜點plan行程,不如直接去梨大行下街先啦。出面真係好凍,我地去到邊都著到好似太空人咁,由頭包到落腳!
img_3820
真係好凍,唔戴手襪的話,手指真係會凍到紅架!仲有啲痛⋯⋯
img_3818
天氣好凍,冇左太陽更凍。梨大條街都冷清清的,搞到冇乜mood行。放心,我地之後喺間似乎係中國人開的店都買左唔少野先走😊
img_4568-1

好凍呀好凍呀!A再接再厲即刻喺酒店附近烤雞店外賣烤雞,當然仲有美味啤酒啦!就係咁,果日04就要起身,搞到差不多第二日04先訓⋯⋯好痴線,我好耐未試過咁chur法⋯⋯而家仲覺得好痴線⋯⋯
img_4569

This was our first day.

一月韓留 (INTRO)

首爾塔-木覓山房

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

Up ↑

%d bloggers like this: