餵人奶:真菌感染

唉😞

我覺得今次餵人奶遇到的麻煩比上次還多!

今次是輕微乳腺炎加真菌感染。

為什麼我肯定是乳腺炎呢?因為所有症狀我都齊了。

4月中的某天,我覺得自己比平時更攰,攰到差點要倒下來休息。後來又開始流鼻水,精神渙散,肩膀兩邊酸軟無力,一心想找按摩。

右邊胸也感覺有點塞了。晚上突然想起要給自己度體溫,原來有點微燒了。於是第二天馬上帶埋妹妹去健康院。

因為有點塞了,被安排先去見人奶姑娘。那天當值的人奶姑娘又很不錯,替我暫時舒緩了塞奶的痛,不過因為有燒,還得見醫生。

醫生檢查後診斷真菌感染。唉⋯⋯又多個新term⋯⋯,點解咁煩架?上網再搵搵資料,原來真菌感染都頗常見,而且一出現係幾難斷尾,唔會一時三刻好返,於是我又被迫踏上呢條抗菌之路。

真菌。壞菌。益生菌

首先講下真菌感染原由。

我地身體寄生左好多菌,有啲菌係好嘅如益生菌,幫助消化、排毒。另一類如真菌,好難話佢唔好,因為他朝君體也相同果日,就係靠呢啲菌幫我地分解身體,塵歸塵,土歸土。平日好地地大家河水不犯井水,保持一定數量,我地身體唔會有事。

但有時食左抗生素、天氣潮濕悶熱、陰陰翳翳的,就容易成為真菌滋床,佢地超過某個數量,我地身體就出現煩惱了。

今次我係nipple感染,因為我曾經有燒,醫生開左抗生素畀我。而我曾經感受過乳腺炎之苦,就算唔想食都要食。醫生同時開左隻藥膏畀我,又開支藥水畀妹妹,要一齊用咁話。

上面果支已經用完,下面果支係新的。

初時冇理會指示,只同自己查藥膏。後來搵資料先知道呢種情況叫thrush,又或者yeast infection。如果發生喺母乳媽媽身上,治療時連小朋友都要一併處理,因為成日都有接觸,所以就算冇事都要做定預防措施。

方法係將上面Nystatin Suspension查均妹妹個口,再埋身餵母乳。其實支藥係支dropper, 講真我覺得同妹妹咁樣查藥難度甚高,亦唔想妹妹咁細個要每四個鐘頭食一次藥,覺得好傷。

後來健康院另一醫生教我將suspension 查均nipple before breastfeeding. 當一埋身餵時妹妹個口仔就可食埋隻藥。我就照做啦。

不話呢隻藥超甜,又係流質,每次查都搞到好lau gau, 仲會搞到痴立立。我又跟足醫生指示食消炎止痛藥同抗生素,可惜冇乜點改善。成日都會隱隱作痛,痛親就好似針拮,唉,心情就好似更年期提早到左咁心浮氣躁。

如是者搞左成個禮拜都冇乜起息,我又上網搵信息,先知原來真係好多香港媽媽受此苦。佢地又分享好多另類療法,苦無出路嘅我藥石亂投都要跟住試啦!

有媽媽話用蘋果醋洗下nipple, 因為醋酸殺菌,又有媽媽話健康院姑娘介紹佢地食一隻日本出嘅益生菌「新表飛鳴S片」,後來又見到話食隻supplement 幫助殺菌,初時見到係grape seed extract, 即刻去屈人錢買返黎。仲有媽媽話每日食yogurt,幫助增加益生菌。

呢段期間仲要戒口,要戒甜野,因為yeast嗜甜,遇到甜會令其數量大增!而且菇類菌類食物一律要戒;d鬼佬仲會盡量戒埋carbohydrates,因為澱粉質過量就會變糖,咁又惹返曬d yeast返黎啦!所以解釋了Nystatin Suspension效果不彰原因,佢本身做到好甜,係畀d小朋友容易食,但同時間亦令yeast繼續活躍。

後來自己去外國網站諗住想搵多D資料,先發現原來人地係GrapFRUIT seed extract先啱!我搵返香港人嘅資料,10個有9個都係Grape seed extract…我真係好驚訝!果種人云亦云係可以咁嚴重!究竟係英語水平低定其他原因﹖Grape seed 同grapefruit seed可以搞錯⋯⋯真係好離譜⋯⋯anyway, grape seed抗氧化有美顏作用,我照食啦。

網上D媽媽仲話飲埋醋水,OK,我又試。
結果係

非常有效!

原來grapefruit seed係出曬名殺菌有效,外國有d研究仲話佢殺菌比漂白水更有效!而且係純天然野,又唔會傷害身體。殺左d衰菌就食多d益生菌,增加好菌數目,令到兩者數目平衡,咁身體慢慢就會回復。因為周圍上網搵資料,就見到人地話大蒜殺菌,於是我又食埋無味蒜丸,決定要多管齊下殺菌重生!

查藥膏成個禮拜都唔好,搞下呢d「自然療法」兩三日情況已經大有改善。

我而家都仲有查藥膏,餵完奶都用醋水清新一下,幾乎好返曬咁滯。

就係因為咁,前兩日我一時鬆懈,食左唔少木耳。……點知果晚即刻痛返……好慘……,後來先醒起木耳都係菌類食物喔!好彩即刻拉返緊條防線,即刻好好多。

我而家未百份百好返,但真心希望唔會再遇到呢個問題。

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s