4歲 · 玩玩玩 · D.I.Y

O Christmas Tree

聖誕節又到啦,喺fb睇到唔少朋友都post左一家人裝飾聖誕樹嘅相。 我地都有呀!就係之前喺innisfree買野,加$20就送左棵木製音樂盒。音樂盒有三款:聖誕樹、聖誕老人同埋鹿。阿仔揀左聖誕樹,返到聖企我地就DIY砌左佢出黎。 聖誕樹本身係冇顏色的,隨盒送埋啡色、白色、綠色同紅色廣告彩,仲有支筆仔。油顏色工作梗係留畀阿仔做。 油完顏色後就到我幫手砌好佢啦。成個過程好簡單,好容易就完成。裝完之後又有音樂聽,$20真係好盞鬼。

4歲 · 玩玩玩 · 去街街

大清水2灣

前幾天香港還是很熱,一點冬天的感覺都沒有,白天還是要穿短袖衫和薄褲。 咁啱佢有幾聲咳,索性留喺屋企休息下,免得返學散播病菌。但見佢精精神神行得走得,天氣又咁好,忍唔住又想同佢出去行下。於是我同佢講:「快快趣食完飯就有得去沙灘!」 講完後食飯速度冇快過,但就開口埋口都講住同沙灘相關嘅野,又話要帶啲咩去咁⋯⋯終於等佢食完晏仔,我地就一齊出發去大清水二灘。 為左爭取時間,唔想去到已經日落,專登「斥資」坐的士一程車到。小朋友全程好肉緊,問左我幾次幾時到,去到上洋村果頭,佢突然爆左句:「乜原來沙灘係咁遠架?」下?乜你而家先知呀?可能我地屋企望到個海,所以佢以為好快就到。小朋友啲思考真係好得意^^ 因為係平日,沙灘冇乜人,多數係外籍人士同埋曬到磚灰色咁嘅阿叔著條褲仔攤曬喺沙地曬太陽😎😎😎。原來有咁多單身阿叔專登喺平日黎沙灘曬太陽的⋯⋯ 仔仔初時唔肯影相,我同佢講返:「你而家唔影,咁你就冇得睇返你自己啦。」之黎佢就好合作⋯⋯左幾秒咁多。 佢話要黎沙灘,但黎到又話怕沙,初時一直唔願意離開沙灘席。我喺附近玩沙,扮曬好開心咁,佢忍唔住先落黎跟住玩。仲記得有次又係專登搭的入黎玩,佢果時歲幾兩歲,又係唔肯落沙玩,終於出動到啜啜包,先氹到佢出黎玩⋯⋯呢啲回憶瀝瀝在目呀^^ 佢喺沙上玩左陣,玩到咁上下,我提議不如出去「筆」啲水返黎,佢又唔肯,話驚有貝殼⋯⋯嘻嘻,其實我都唔知佢驚貝殼啲乜,我就當係𠝹腳,不過小朋友想像力好豐富,我覺得佢驚嘅唔止係咁。 我來來回回「筆」左幾次,都覺得攰攰地,就再提議佢出去。佢一直堅持要我去,於是我索性坐喺席度同佢講:「我好攰啦,我出左去咁多次,不如輪到你啦!」「我唔出啦,一係你就企喺度玩多陣沙我地走啦。」跟住我就坐返喺度唔理佢啦。哈哈,好快佢就要求我陪佢出去,一出左去就玩跳浪、踩水水,肆意咁跑來跑去,咁玩法佢梗係唔想返上去。 喺網放相有矛盾,其實我仲想放好多上黎,但我又驚偷相,雖然我唔係名人,其實係nobody,但都驚驚地⋯⋯anyway, 小朋友玩得幾開心^^ 我冇同佢著泳衣之類,隨心啦~~~衫就同佢帶多套係真。 玩完之後小朋友真係好攰,此時要同佢沖身又係另一挑戰。10個有9個細路唔知點解好怕花灑之類嘅野。本身已經攰攰地,仲要冰水咁灑落黎,好彩都快快手沖完佢,再開支佢至愛力多畀佢,坐低靜靜地食幾塊餅仔又冇事啦。 之後我地又好好彩即刻上到班小巴,望住金黃色嘅夕陽返屋企,我真係好感恩!好開心!希望仔仔都會記得呢啲點滴啦^^

3歲 · 玩玩玩 · 去街街

愉景灣 Discovery Bay

上星期突然紅雨,搞到全香港唔駛返學,之後成個禮拜變得離奇通爽,日頭我唔開冷氣都仲得! 我地趁周日出左去愉景灣行下。本來老公想影相,但時間晏左少少,去到已係黃昏,我地只係去左個沙灘就算。 出發前阿仔好興奮,係咁話好野,有得去沙灘!仲前叮萬囑我地帶堆沙工具。沿途佢都好興奮,成日擒上擒落。唯有同佢玩下個APP,等佢可以坐定少少,唔好影響人。坐船過去佢又好開心,我坐佢後面同佢一齊睇風景,同佢傾下計,「呢個係貨船,呢個係浮標」等等,我同佢都好開心。   天氣好好。原意係鋪張沙灘蓆喺度,跟住佢自己由發揮……   出乎意料,小朋友去到沙灘唔肯落地。其實佢都唔係第一次去,爸爸一直拖住佢隻手仔行,佢就喺後面縮縮下咁,我見佢D手指都屈曬起黎。佢好唔習慣喺沙上面行果種感覺,一直大吵大嚷要大人抱起佢。 小朋友全程唔肯落地。佢爸爸好失望,原本以為會同佢好開心咁喺沙灘追逐,但阿仔反應完全係另一樣野——驚驚青青捉實大人要抱。後來我地帶佢去公園玩下,諗住有個熟識D嘅環境,可能可以令佢放鬆一下。但小朋友好似regressed左咁,d馬騮架佢唔肯爬,滑梯都唔係好有興趣。佢老豆好失望,跟住就企喺佢隔離ON居居咁,已經唔想同佢玩了。 呢種情況都唔係第一次。 小朋友比較怕生,去到陌生環境,好容易蛇kuare。同佢去新地方,要畀多d耐性佢。呢樣野佢老豆成日都唔記得左。 後來佢終於肯落草蓆玩,但係都係唔肯落沙地。我專登放d玩具遠少少等佢離開「安全區」,都唔係好work。唯一一次係要玩倒水倒泥,佢即刻二話不說標出去推開個桶,之後又縮返去張蓆度。   佢老豆超灰,全程發呆。   之後我地出返中環,坐叮叮去cwb食野。小朋友開心曬,佢好鍾意坐叮叮,明明抱住都要落地行去電車站。 今日返學畫交通工具,小朋友揀左電車。 原來佢咁鍾意電車,我而家先知。

3歲 · 玩玩玩 · kindergarten · 日常

Painting with food colouring

OK, I am trying… 從韓國回來三天,小朋友又在學校給傳染了。從星期三開始便咳起來,又有鼻涕。到了第二天起床,雙眼皮又出現了,於是決定留在家裏休息。 小朋友十分高興, 但我卻有點點4戰敗的感覺,畢竟上學是小朋友必須做的事,不能因小小事而放棄。可是想到有點睡眼醒忪的他,坐在學校裏,不知不覺又再被傳染,又覺得有點擔心了。 在家也找點事做,最好就是Art exercise了。想起上次給他用海棉印畫畫,本來以為不喜愛美術的他,竟然玩得非常專注。每次提到畫畫,他都嚷著要玩「印人仔」(那些海棉是人仔形狀)。今天既有時間,不如就好好玩玩了。 今次用了食物顏料給他做顏料,給他一張畫紙、畫筆,用水稀釋顏料後,就讓他自由發揮了。用食物顏料開出來的顏色較淡,不過卻有不同香味,的確不錯。   他玩得很投入。一開始他不是塗在畫紙上,而是要像我開顏色一樣,不斷在調色碟調配顏色。原本我叫他要專注畫在畫紙上。但後來我覺得美術就是自由發揮時間吧﹖他喜歡玩顏料就由他好了。  他用過畫筆後,又會把手浸在那些洗筆水裏,在我眼中當然覺得這是「錯」的,不過他又樂在其中。我想,藝術就是這種自由發揮,不理他人眼中的對與錯,想做就做吧﹖      他說﹕「人人在屎屎上。」我估我們日常生活實在講得太多此類話題了。   他最喜歡用力把海棉裏的水揑出來。不知道他在做實驗,還是想試試要什麼感覺呢﹖   我覺得美術是一個很好的媒體,讓小朋友把心裏的感受抒發出來。今時今日的小朋友雖然物質十分豐富,卻活得少了一份自由。每天睜開雙眼那一刻,便已經有人催促你食飯、上堂,或者準備上興趣班。然後一直有人服侍食飯(利申﹕阿仔都係要我餵食的…-_-!!),出門口時又有人已經幫你準備外套。行路時又要拖著大人,不准做這些那些……上堂又要套規矩乖乖的坐好聽老師說話……我明白不少規矩都是為了小朋友好,讓他們學習紀律與合群,和別人相處等等,不過我覺得對三歲小朋友來說,就算間中不太規矩也不壞吧﹖人生流流長,要聽話規規矩矩生活的日子還多著呢,難得有大人照顧,小朋友任性,也是一種福氣吧﹖   《太陽的後嗣》 近來大熱,舅母也從韓國買了一套劇中宋仲基常穿的軍服給小朋友,當然只是一套輕便的運動衫,只不過是迷彩圖案。頭上頂住一條蔥辮就當是剛陽配搭的一個小點綴吧^^。

BB32個月 · 玩玩玩 · 日常

扣鏤

小孩子微細動作做得麻麻地,所以參照網上媽媽做法,用不織布同兩粒大鈕扣做左呢個練習畀佢。 專登用唔同顏色同形狀,喺每塊布仔上剪個lone, 等佢學穿鈕扣時亦可學習顏色形狀。 半年前已做左畀佢,但佢反應麻麻。呢排佢忽然對形狀十分有興趣,順便拎返呢個出黎畀佢練習,效果唔錯。

BB28個月 · 玩玩玩

感官遊戲—Sensory Play

叔叔從日本旅行回來,給小朋友買了車車做手信,哇,小朋友樂透了!男孩子對車輛簡直是愛不惜手,尤其是2-3歲的孩子,他們對工具車和交通工具更是情有獨鍾。男孩子本身是需要MOVEMENT來帶動學習的,要求他們跟女孩子般坐定定,對小朋友和大人來說是有難度的!大部分女孩子的玩具多是煮飯仔呀、洋娃娃般靜態的,男孩子的玩車車呀,或者踢波等等凡是要活動身體的,其實也是切合需要。 兩架車分別是泥頭車和挖泥車。像真度很高,挖泥車還真的可以挖東西的呢!所以,如果挖泥車還真是可以挖東西的有多好呢!之前發現過了期的字母粉終於可派上用場了^^!把泥頭車、挖泥車、字母粉跟小剷子、小盤子等一併倒入盤中,就已經可以玩了! 小朋友反應相當好。 我叫他把字母粉倒入盤中時,他已經非常興奮,參與和投入感非常高。有時可能興奮過頭,大力的把字母粉拋到九宵雲外。因此設下規矩還是必要的。我要求小朋友不能讓字母粉離開盤以外的地方,如果有些字母不小心掉到地上,要馬上拾起放回盤裏。這一切他都十分合作,一方面讓他手指感官得到刺激,又可以作小肌肉訓練,加上是用車車作為工具,他實在覺得好玩到不行!玩了超過一小時還在堆堆砌砌的,最後要收拾上床休息時還不捨得呢! 這類Sensory Play在外國實在是很流行。媽媽們都喜歡將玩具和其他物料如燕麥片、意粉等外國較便宜的東西,甚至是開水放在一起,讓小朋友像尋寶的挖挖找找,享受遊戲的時間。就像以前的小朋友玩沙池一樣,享受free play時光。