童言無忌

叔叔?姨姨?

同阿仔去茶記食野,櫈未坐暖已經有位蓄短髮但身型瘦削嘅阿姐,好爽快咁走黎招呼我地。 一坐低抬頭望上去就見到佢咀上密麻麻嘅汗毛,唉,我已經心知不妙⋯⋯ 阿姐繼續好眉精眼企咁問我地食乜,我一邊揭餐牌,但其實個心好焦急咁諗緊名阿仔幾時出招。 話口未完,阿仔就講野啦。 阿姐﹕「點呀,兩位想食啲乜﹖」 仔﹕「媽咪,呢個係姨姨轉定叔叔呀?」 我:「兩個晚餐。。。。。。」 阿姐好似聽唔到咁完全冇反應!? 仔:「佢係姨姨定叔叔呀?」 除左尷尬,我己經唔知點樣控制呢個場面,我望住坐我對面嘅老公,佢笑得好開心。我唯有採用鴕鳥政策,乜野都當聽唔到。 我﹕「之之呀,可唔可以靜啲呀?」 仔﹕「佢係叔叔定姨姨呀?」 我:「兩個晚餐,一個飯一個薯菜。。。。。。」 阿姐好似聽唔到咁,完坐冇反應,仲好快咁覆左次單就走左。 老公:「點解你可以唔笑?」 突然間我明白了,阿姐應該同我一樣,除左尷尬,佢仲可以點?唔通對住個客笑咩? 之後SERVE我地嘅,都唔係呢個阿姐了。 好彩我地個晚餐冇特別加料姐。。。。。。