BB36個月 · kindergarten · 日常

拜拜BB年代⋯⋯

未返學前,阿仔每日食完午餐,就智落黎呢個公園玩,玩最少半個鐘是很正常的,壓軸就是去睇車車。如今小朋友要返學了,因為返下午班,以前輕鬆的玩樂時間就不見了。每天放學不是坐車車瞓晏覺,就是趕回家睡午覺,睡醒時都日落西山,天色昏暗,之後還要到麻麻家吃飯了。 懷念從前簡簡單單的日子。自從小朋友返學,雖然我沒有跟他一起上課,不過回家後要督促小朋友,童年回憶浮現眼前。 據我的媽媽說,從前我一放學回家便會主動做功課,做完功課還會從書店中拿課本出來朗讀,「幾乖呀!」我媽說。我想大概是我是女孩子緣故,因為小朋友的女同學的媽媽都說她的女兒都是這樣,女孩子較早熟的又一證明。 仔仔對上學的興趣似乎不大。每次問他喜歡上學嗎﹖他都答我不喜歡,原因是「有小朋友篤我」…。每次他答我不喜歡上學,我都會有點擔心的。 小朋友上學對他們來說的確是一個挑戰。每天都要去一個不熟識的地方,然後又跟一群不熟識的小朋友相處。小朋友之間總發生很多不如意的事,如搶玩具呀,不理彩人呀等等;然後上堂又有很多規矩要遵守,跟在家裏隨意自在的生活方式截然不同,要適應還需要時間。 每次經過這公園,我都會想起他還很少的時候,每天帶他落去玩的情境﹕冬天穿得厚厚的時候,當他還是學走路,走路跌跌碰碰的時候…… 老人家常說小朋友大得快,對喔~~~時候的確走得快,這些時光轉眼間就成為回憶了。

BB20個月 · 周圍去

意大利之行—Dolomites—Val di Funes

去年同阿仔去左意大利,D相都未有好好整理。搞緊台灣之行時又心癢癭好想upload意大利既相,睇下睇下先提醒返我原來係好鬼多相的!既然係咁就好似台灣行咁分開寫。好好整理呢個夢幻之旅,作為將來自己回味回憶都方便d :))) 其實同小朋友去遠行並非想像中咁難。可能小朋友當時未到trouble two,而我地亦專登安排佢兩歲前就要出發,盡量避免trouble two會出現既情況。因為佢好地地時就可能好開心,萬一小小事發皮4,家長都會感到好掃興。畀幾皮野出黎日日捱佢d臭4都好難頂。 我地行程係先由米蘭直接去Dolomites,然後去Venice,最後以羅馬為終點站。本來想去埋Tuscany,點知plan到一半發現可能會同小朋友interview日子撞期,shit……well, 老實講,我係果種寧願佢唔返學,都要同佢去旅行既媽咪。你可以話我鍾意玩,true,但我覺得見識世界比喺在班房學野,well,各有各好姐。anyway,因為唔想佢冇書讀,所以最後都係要「屈服喺呢個制度底下~~~」。 第一站係Dolomites. 係一個山區,Alps阿爾卑斯山脈既一部分。好多歐洲人暑假時都會峰湧咁去呢d山區住返個另兩個禮拜渡假。佢地既節目多數喺果度行雪山、行山、踩行山單車(mountain bike),好鬼健康的。 成個Dolomites係一個area,入面有唔同區域,我地選擇,係老公選擇Val di funes呢個地方作為根據地。睇地圖呢,會見到好多val di乜val di 物咁,即係Valley of乜乜。Val di funes係個極山卡拉既地區,即係好鄉下果隻。 我都係去到先知。因為坐完火車仲要坐大巴喺D山度轉轉轉下先轉到上去,搞到我差D暈車浪。我地由前一日12點幾喺香港機場出發,去到當地已經係黃昏啦。仲要(老公)拖住兩個大gip,我推住架bb車半上山咁去到間hostel。 hostel owner係一對老夫婦,老闆娘完全唔識講英文,淨係講德文!哇,雞同鴨講搞左一大輪先知原來要passport,然後又等佢地慢慢手抄低d資料,再拎住兩個大gip行上三樓既房間……雖然係咁,整頓過後見仲未日落,馬上出去睇下有咩睇……見到果排山,拎個手機影完相後發現好似wallpaper咁,真係覺得好震撼!之前幾攰都值得既! Hostel後面有個小山坡,行上少少此景一覽無遺! Hostel四周鳥語花香,咁嘅環境當地處處可見,但住慣寸金尺土嘅我,真係覺得置身天堂。 我地個廳望出去就係人地家花園,人地有柴房的…… 我地身處地方曾經係奧地利一部分,所以德國文意大利文雙語路牌隨處可見。 我地冇揸車,每日出去玩,都係望住呢條路等巴士。 呢度係民宿附近一個景點,主要係睇呢間東正教教堂。不過當日佢closed左,我地都係門口裝裝下就算。 外國人真係好識享受生活。香港人景點接景點,每一個地方任務(買野、影相)完成,馬上接住下一個地方。好似佢地咁,真係放塊布喺地下度,曬下太陽睇下書咁,提醒我咩野叫生活。 呢間都係hostel。 係咪好「風起了」呢﹖好令……當天天氣好好,有太陽,有涼風,身處此地此景,真係好感動! 我地四圍游走,行到呢間教堂。我地喺呢間教堂消磨左好耐時間,因為真係行到好攰。呢間係非常典型的教堂,因為教堂門外都係墓地。以前外國人過身後骸骨安葬教堂下面,出面就安放墓地的。 呢度係民宿附近的一塊草地。隨時隨地都可取景!看那!那時小朋友還未夠兩歲耶~~~如今看起來多可愛! 不知是古董還是什麼,我的確在當地的消防局裏看到這輛消防車!不過外型很kawaii喔! 另一個德意雙語的例子,原來還是有學校的! 就寫住咁多!遲下再update。 edited at 5/25/2016, 3:16

BB35個月 · 去街街

中秋慶團圓

上星期日係中秋節,前一日係weekend,我地去左維園睇花燈。 當日唔算好多人,但係就好焗,企左一陣就已經成身出曬汗。 入去時見到好多燈吊喺度,好似搞到好大咁,都有d期望。 入到去就覺得真係唔多對路。入面有好多好似紙紮,但扮到好得意咁嘅燈籠。但係周圍放,一忽忽咁,都唔知佢地想點。成個花燈會都冇特別,題目係懷舊。唉~~~政府冇野搞,乜能野都玩懷舊,但係d裝置各樣野又新蓄蓄,都唔知邊度搵舊野黎懷!呢個政府做野就係咁,「拿~~~做左野!」hae左你就算。 痴線的,唔知做乜放幾個膠包喺度都大把人痴埋去影相……做乜姐,舊膠又唔令,完全將d野500%放大咁就放喺度…咁冇成誠意d人都爭住去影相的……我真係覺得好冇癮。天氣又熱,搞到冇乜心機影相。 第二日就去老公細佬,即係叔仔屋企慶祝。的士站超多人,等車時唯有自拍自娛一下啦。 叔仔屋企有個天台,種左好多盤栽,有小朋友幫佢地沐下花,做少樣野lu~~~ 大合照 有d估唔到嘅係,呢家人一向以小心謹慎見稱,原以為煲蠟呀、點火呢d活動理應禁止。喺果晚,小朋友就玩左佢人生第一支蠟燭。 其實有間村屋真係唔錯,小朋友活動範圍大好多,又有好多野可以畀佢探索,空氣又好,環境清幽。我地喺幽靜嘅天台點著五彩燈籠,食月餅、水果,又玩蠟燭,小朋友玩得好開心。 小朋友明明攰到飛起,返到屋企到好多人喺草地玩,佢又喺樓下玩左陣。返到屋企不消一會就呼呼入睡了。

BB35個月 · kindergarten

上學去

上學去,上學去,唱歌遊戲開心笑^^  呢首係參加workshop唱的歌仔,第一日返學,老師都有同小朋友一齊唱。腦海浮現當時情景與音樂,真係會心微笑(o^^o) 小朋友第一天上學冇扭計,似乎已經漸漸適應學校的環境和老師。起初第一個星期,媽媽是會陪同小朋友上堂的,因此大哭撒野的孩子很少。我跟小朋友說,到了下個星期,媽媽就不能跟他一起上課了,因此要聽老師說話,有禮貌等等。他說:「冇媽咪小朋友會驚驚架!(拍拍心口)」 還以為孩子習慣或者了解上課是怎麼一回事,想不到原來他心裏其實還是賴著要媽媽的。聽到他這樣說,一方面覺得他很可愛,孩子想到什麼馬上就說出來,毫無掩飾的,也不會覺得不好意思;另一方面也替他有點擔心,會不會以為我丟下他而傷心呢? 到了第二星期,去到校門前,看見孩子在老師和校長的陪同下,他一個人背著書包仔頭也不回的慢慢走進課室,我想這樣就走了。一轉身見到千千萬萬的家長站在校門前目送自己子女,神情百感交集的,那刻我有點不好意思,是否要多站一會呢? 後來聽到有家長說怕孩子呢頭走入學校,轉頭會從學校沖出來,所以守在那兒看看情況。哇!還真細心耶~~我從沒有想過會發生這種事,還打算掉頭就走,那刻我真有點慚愧呢! 我和一眾媽打站在門外,校長可能以為我真的很擔心孩子吧?還特地走過來跟我說孩子做得不錯喔!站在學校立場,似乎家長也要時間適應和學習。噢,我又再次被誤會了。唉,做家長的,我常常遇到和覺得無奈的事就是常常被誤會(。-_-。)    現今在香港讀書似乎是一件苦事,以後讀書日子還有很多,不過我相信和孩子成長我光陰一樣,一不溜神眨眨眼睛就過了。

BB33個月 · 飲食

Mac and cheese with rice cooker

成日都煮飯,好悶既~~ 上網見到呢個食譜 (睇片),我係超級芝士迷黎架(淨係識食,唔好問我佢地叫咩名),見到佢簡單方便,就即刻買料試下啦! 真係好方便, 先放通粉、加少少雞湯(蓋面),COME蓋按煮飯MODE, 煮15分鐘後,打開佢,搞下佢,怕痴底。然後再加兩大包芝士。我用左mozzarella (因為加熱後會變成一絲絲) 同 parmesan (覺得芝味濃D),再加少少奶,閂蓋 煮多20-30分鐘左右,完成 我覺得好好食。阿仔麻麻地,可能佢食開中國飯,食唔慣。佢食唔曬,我自己食曬剩返果D,YUM YUM,好好食 :q