BB20個月 · 周圍去

意大利之行—Dolomites—Val di Funes

去年同阿仔去左意大利,D相都未有好好整理。搞緊台灣之行時又心癢癭好想upload意大利既相,睇下睇下先提醒返我原來係好鬼多相的!既然係咁就好似台灣行咁分開寫。好好整理呢個夢幻之旅,作為將來自己回味回憶都方便d :))) 其實同小朋友去遠行並非想像中咁難。可能小朋友當時未到trouble two,而我地亦專登安排佢兩歲前就要出發,盡量避免trouble two會出現既情況。因為佢好地地時就可能好開心,萬一小小事發皮4,家長都會感到好掃興。畀幾皮野出黎日日捱佢d臭4都好難頂。 我地行程係先由米蘭直接去Dolomites,然後去Venice,最後以羅馬為終點站。本來想去埋Tuscany,點知plan到一半發現可能會同小朋友interview日子撞期,shit……well, 老實講,我係果種寧願佢唔返學,都要同佢去旅行既媽咪。你可以話我鍾意玩,true,但我覺得見識世界比喺在班房學野,well,各有各好姐。anyway,因為唔想佢冇書讀,所以最後都係要「屈服喺呢個制度底下~~~」。 第一站係Dolomites. 係一個山區,Alps阿爾卑斯山脈既一部分。好多歐洲人暑假時都會峰湧咁去呢d山區住返個另兩個禮拜渡假。佢地既節目多數喺果度行雪山、行山、踩行山單車(mountain bike),好鬼健康的。 成個Dolomites係一個area,入面有唔同區域,我地選擇,係老公選擇Val di funes呢個地方作為根據地。睇地圖呢,會見到好多val di乜val di 物咁,即係Valley of乜乜。Val di funes係個極山卡拉既地區,即係好鄉下果隻。 我都係去到先知。因為坐完火車仲要坐大巴喺D山度轉轉轉下先轉到上去,搞到我差D暈車浪。我地由前一日12點幾喺香港機場出發,去到當地已經係黃昏啦。仲要(老公)拖住兩個大gip,我推住架bb車半上山咁去到間hostel。 hostel owner係一對老夫婦,老闆娘完全唔識講英文,淨係講德文!哇,雞同鴨講搞左一大輪先知原來要passport,然後又等佢地慢慢手抄低d資料,再拎住兩個大gip行上三樓既房間……雖然係咁,整頓過後見仲未日落,馬上出去睇下有咩睇……見到果排山,拎個手機影完相後發現好似wallpaper咁,真係覺得好震撼!之前幾攰都值得既! Hostel後面有個小山坡,行上少少此景一覽無遺! Hostel四周鳥語花香,咁嘅環境當地處處可見,但住慣寸金尺土嘅我,真係覺得置身天堂。 我地個廳望出去就係人地家花園,人地有柴房的…… 我地身處地方曾經係奧地利一部分,所以德國文意大利文雙語路牌隨處可見。 我地冇揸車,每日出去玩,都係望住呢條路等巴士。 呢度係民宿附近一個景點,主要係睇呢間東正教教堂。不過當日佢closed左,我地都係門口裝裝下就算。 外國人真係好識享受生活。香港人景點接景點,每一個地方任務(買野、影相)完成,馬上接住下一個地方。好似佢地咁,真係放塊布喺地下度,曬下太陽睇下書咁,提醒我咩野叫生活。 呢間都係hostel。 係咪好「風起了」呢﹖好令……當天天氣好好,有太陽,有涼風,身處此地此景,真係好感動! 我地四圍游走,行到呢間教堂。我地喺呢間教堂消磨左好耐時間,因為真係行到好攰。呢間係非常典型的教堂,因為教堂門外都係墓地。以前外國人過身後骸骨安葬教堂下面,出面就安放墓地的。 呢度係民宿附近的一塊草地。隨時隨地都可取景!看那!那時小朋友還未夠兩歲耶~~~如今看起來多可愛! 不知是古董還是什麼,我的確在當地的消防局裏看到這輛消防車!不過外型很kawaii喔! 另一個德意雙語的例子,原來還是有學校的! 就寫住咁多!遲下再update。 edited at 5/25/2016, 3:16

BB20個月 · 周圍去

I miss Italy!!!!! (此post會不斷update的)

台灣都未講完,而家又跳去講意大利。 冇辦法啦~~人地真係好鍾意嘛^^舊年暑假我地帶埋未到兩歲既小朋友齊齊出發意大利。有小朋友之前,我地已經去過法國同瑞士,講真我真係好鍾意歐洲。一踏足歐洲就好似夢想成真咁,細個睇過既故事書圖片,後生睇過既電影場面,一次過活靈活現在眼前! 原本帶住個小朋友我地都好心大心細,畢竟FAMILY通常去日韓新加報等地。但太鍾意歐洲了,老公都好想同小朋友去一次,於是決定去意大利! 而家問返小朋友記唔記得有冇坐過飛機,坐飛機去過邊度,佢都係話冇,同唔記得。好彩有DIGITAL CAMERA,先能夠將最珍貴既保留。 呢度係意大利北部山區,同ALPS連接既Dolomites. 我地留左喺一個叫Val Di Funes既小村度。果個位置真係好鬼偏僻,坐火車入去差不多係最尾果一兩個站先落車。但老公為左呢幅image,就義無反顧咁話要留喺呢個地方。作為老婆既我,都必定義不容辭陪到底的! 還記得我地坐完14個鐘頭機,坐火車去米蘭火車站食左個簡餐,之後又轉左幾雲車先去到呢個地方。意大利d火車又同法國瑞士果d有d唔同……唔知點解好似鄉下d咁。九萬個人都將行李塞喺車廂兩邊,d人要迫迫下先入到去。最慘通道係勁窄的,好多人都拖住重重的行李喺條窄窄既通道走,真係好辛苦!然後架車好似冇冷氣咁,我地又well,食得唔係好夠咁啦,就係咁迫火車都迫左十幾個鐘先去到……     * * * * * 結果也說明了,一切都值得的!   我真係好鍾意呢個地方,叫St Peter, 事實上意大利有九萬個地方都叫St Peter的。我發夢都會見到呢個地方。喺呢度留低美麗既回憶。 I like this place so much. It is called St Peter and in fact there are thousands places in Italy named St Peter…-_-! I dreamed about this place quite much and it… Continue reading I miss Italy!!!!! (此post會不斷update的)