其實我都好緊張。 今日小一派位，唔少人在fb發布好消息，”阿仔阿女好好彩，第一輪就中左啦！真係好開心。” 我個仔連k1都未入學，我就已經好擔心了。因為家住將軍澳，好驚佢派位唔好，影響左佢將來。將來唔知讀左乜乜乜奇怪學校，變成平傭青年庸碌咁過一生係我最擔心，亦最唔想發生。 呢種係咪都係望子成龍既諗法呢？我以為我冇，其實我都好重。我有能力，我真係會推佢去名校，喇沙男拔果d，因為以前識既朋友仔係呢d。自己個仔唔係天才，都搏有少少學校名氣罩住，或者可以搏到些什麼。 而家我冇返工，錢少左，男拔呢d直資學校已經唔駛諗，喇沙呢d又話講世襲，兩者機會似乎好渺茫。 我唔想佢讀本區中學，出曬名渣。就算地區名校，拍埋人地度個勢都冇左。 睇fb見到唔少同學好似做緊唔錯職位，我唔恨佢地成就，見到佢地全部變曬惡婆那個樣就不禁倒抽一口涼氣; 倒是羨慕佢地收入，小孩有咩e郁，都support到間直資頂住。我好驚bb連呢個機會都冇。