4歲 · 玩玩玩 · D.I.Y · Uncategorized · 日常

工廠女工:做教具

早兩日行bb展,經過一家標榜蒙特梭利教育法嘅攤位,入去行左陣,見到擺曬蒙特梭利式嘅工具出黎,又有得試玩,代價就係聽佢地sell野啦!不過可以坐下我都冇所謂嘅^^ 蒙特梭利好出名,就唔駛介紹啦。成套教育法包括生活範疇至心智方面等全人發展,主力係培養小朋友自理同獨立嘅能力,並唔係訓練咩天才。因為當初呢套教育法係針對發展遲緩、自閉症等等嘅小朋友需要,不過其他教育工作者覺得套野好正,就慢慢普及左。呢啲資料都係我睇返黎,教育中心梗係唔會同我講呢啲,佢地力sell以下教材包括:Sensorial, Language, Mathematics & Culture四方面。

4歲 · 玩玩玩 · D.I.Y

O Christmas Tree

聖誕節又到啦,喺fb睇到唔少朋友都post左一家人裝飾聖誕樹嘅相。 我地都有呀!就係之前喺innisfree買野,加$20就送左棵木製音樂盒。音樂盒有三款:聖誕樹、聖誕老人同埋鹿。阿仔揀左聖誕樹,返到聖企我地就DIY砌左佢出黎。 聖誕樹本身係冇顏色的,隨盒送埋啡色、白色、綠色同紅色廣告彩,仲有支筆仔。油顏色工作梗係留畀阿仔做。 油完顏色後就到我幫手砌好佢啦。成個過程好簡單,好容易就完成。裝完之後又有音樂聽,$20真係好盞鬼。