kindergarten

小幫手

阿仔新嘅學年又開始了! 我同佢轉左另一間幼稚園重讀K1。 呢間學校近過以前果間,唔駛搭車,而且仲係上午班,冇野比呢個更吸引! 阿仔返學好開心。雖然佢同樣同以前一樣返學前都話唔返學,但接佢放學佢次次都開心笑,有一日佢仲同我講佢好鍾意返學。冇野比聽到呢個更安慰。 佢而家係超大仔了,我對佢嘅要求比起舊年會高少少,起碼我幫佢整左個時間表,就係要佢照住黎跟,希望可以養成好習慣。 圖文並茂,希望幫到佢。

3歲 · kindergarten

著錯衫

雖然這7月15號係last day,其實小朋友幾乎返埋今個禮拜就放暑假了。 今個星期有四日係活動日,星期五就家長日。下星期佢返多兩日就放假,一日係生日會,另一日係畢業禮。 但係⋯⋯我又搞錯左啦!今日我同佢著左套新衫,拎埋個party bag返去開生日會。行到學校附近見到其他小朋友都著校服嘅?😨😨😨 烏龍嘅我知道九成九係我搞錯左日子啦😱😱😱 「乜唔係今日咩?乜唔係今日咩?」表面嘅我好鎮定咁拖住小朋友往學校行去,心裏面嘅我確實有點驚慌同惜手不及,馬上拎本schedule book出黎check下(好彩早排有時間mark低呢啲日子!)uh-oh…「原來媽咪真係搞錯左喎!原來今日唔係生日會,要著校服架!」小朋友即刻急起上黎扯住我唔肯行:「我要返屋企換校服。」我盤算好唔好返去換校服定如常返學呢?因為又怕佢覺得同人唔一樣會唔開心,但又遲到喎⋯⋯ 最後當然頂硬上啦,我扮到冇野咁同佢講:「唔緊要啦,去街衫仲舒服過校服啦!」半ark半氹咁送佢返學。 去到學校門口竟然有另一個妹妹著到Elsa咁同個姐妹企喺度,啲老師面有難色咁好似唔想畀小朋友入去。 老師見到我地就作驚訝狀咁:「今日唔係生日會呀!」企喺門口嘅校長瞪大眼睛,有點晦氣地話:「今日唔係生日會呀。」 「係呀,唔好意思係我搞錯左!」我即刻補飛。 「小朋友都有責任喎!要提媽咪!」老師嚴肅地說。 然後就冇人理我地,又好似唔想畀我地入咁。 陸陸續續都有好多著校服嘅小朋友入學校,等左陣先有老師同Elsa入去,然後又有小小晦氣咁拉住小朋友入去,仲話左幾句⋯⋯ 我覺得著錯衫係小事,講清楚,道歉咪冇問題咯。但啲老師同校長反應我覺得有啲over,好似做左啲好唔應該做嘅野咁。犯錯唔得架?錯係嚴重罪行呀?我有啲嬲嬲地。我走上去同老師補飛:「畀佢當開多次生日會啦!」 反正都係要上堂架啦,點解唔可以畀小朋友學習下犯錯時可以用一個比較正面嘅態度去面對呢?佢地點解要令佢feeling shameful 呢?It is not a sin, it is not a crime, just another lesson to learn.  Making mistakes is inevitable throughout our lifetime! There are so many things we could screw them up in the future! I am… Continue reading 著錯衫

3歲 · 玩玩玩 · kindergarten · 日常

Painting with food colouring

OK, I am trying… 從韓國回來三天,小朋友又在學校給傳染了。從星期三開始便咳起來,又有鼻涕。到了第二天起床,雙眼皮又出現了,於是決定留在家裏休息。 小朋友十分高興, 但我卻有點點4戰敗的感覺,畢竟上學是小朋友必須做的事,不能因小小事而放棄。可是想到有點睡眼醒忪的他,坐在學校裏,不知不覺又再被傳染,又覺得有點擔心了。 在家也找點事做,最好就是Art exercise了。想起上次給他用海棉印畫畫,本來以為不喜愛美術的他,竟然玩得非常專注。每次提到畫畫,他都嚷著要玩「印人仔」(那些海棉是人仔形狀)。今天既有時間,不如就好好玩玩了。 今次用了食物顏料給他做顏料,給他一張畫紙、畫筆,用水稀釋顏料後,就讓他自由發揮了。用食物顏料開出來的顏色較淡,不過卻有不同香味,的確不錯。   他玩得很投入。一開始他不是塗在畫紙上,而是要像我開顏色一樣,不斷在調色碟調配顏色。原本我叫他要專注畫在畫紙上。但後來我覺得美術就是自由發揮時間吧﹖他喜歡玩顏料就由他好了。  他用過畫筆後,又會把手浸在那些洗筆水裏,在我眼中當然覺得這是「錯」的,不過他又樂在其中。我想,藝術就是這種自由發揮,不理他人眼中的對與錯,想做就做吧﹖      他說﹕「人人在屎屎上。」我估我們日常生活實在講得太多此類話題了。   他最喜歡用力把海棉裏的水揑出來。不知道他在做實驗,還是想試試要什麼感覺呢﹖   我覺得美術是一個很好的媒體,讓小朋友把心裏的感受抒發出來。今時今日的小朋友雖然物質十分豐富,卻活得少了一份自由。每天睜開雙眼那一刻,便已經有人催促你食飯、上堂,或者準備上興趣班。然後一直有人服侍食飯(利申﹕阿仔都係要我餵食的…-_-!!),出門口時又有人已經幫你準備外套。行路時又要拖著大人,不准做這些那些……上堂又要套規矩乖乖的坐好聽老師說話……我明白不少規矩都是為了小朋友好,讓他們學習紀律與合群,和別人相處等等,不過我覺得對三歲小朋友來說,就算間中不太規矩也不壞吧﹖人生流流長,要聽話規規矩矩生活的日子還多著呢,難得有大人照顧,小朋友任性,也是一種福氣吧﹖   《太陽的後嗣》 近來大熱,舅母也從韓國買了一套劇中宋仲基常穿的軍服給小朋友,當然只是一套輕便的運動衫,只不過是迷彩圖案。頭上頂住一條蔥辮就當是剛陽配搭的一個小點綴吧^^。

kindergarten

返學適應期

由星期一開始,小朋友返學就喊啦。 第一日係過馬路就喊,第二日係入門口就喊,第三日,即係今日未過馬路已經喊。一見佢喊,我就有啲唔捨得,但學校都好好,校長仲同我傾左陣關於小朋友適應嘅問題。 放學時小朋友見到我梗開心,但佢嘅行為又開始似bb令我好煩惱。遇到小小野唔順意就扭計投訴,搞到我心都煩埋。 過左一星期半左右,小朋友開始適應了,返學冇再扭計同喊,食飯都食快左。以為漸入佳境時,就突然傷風病了,而且仲發燒,理所當然同學校請假。因為病情較反覆,剛剛又遇上兩日學校假期,於是小朋友無端端放左成個星期假。佢病癒嘅周末學校舉行嘉年華,同爸爸帶佢返去玩,佢又表現ok喎,玩得投入同開心,諗住星期一無風無浪正常返學。 唉,點解又開始含飯嘅?佢仲問我係咪返學,我一話係,佢就咳幾聲話自己咳咳唔返學啦{(-_-)}~~~ 幾經辛苦拖到佢返學,一去到門口又放聲大哭啦,佢入左學校我仲聽到佢把喊聲(T ^ T)陰公。同門口老師傾左幾句,佢贈我:「你預左從頭黎過啦!」「唔係阿馬?遲下放聖誕假新年假又黎過呀?」(; ̄O ̄)我驚訝地問。「農曆年會好少少啦,到時又大少少⋯⋯」老師答。 農曆年⋯⋯二月?到時先好少少呀!?(驚,泣)  

kindergarten

K1唔寫字

而家小朋友返學真係唔簡單。 三歲人仔都未夠就要返學,K1就要揸筆。唔係話唔主張小朋友太細個,手仔唔適宜揸筆架咩?外國仲話唔興flash card,因為認到果個字唔代表識用果個字。 我以為返K1就係學下自理,唱下歌仔玩下遊戲,每日喺學校學下唔同生仔字,我要求唔多,只求佢返得開心,如果學校能夠善用孩子好奇心,引發佢地願意主動學習,咁就喜出望外⋯⋯。顯然我對今時今日嘅幼兒教育脫曬節,仔仔返K1竟然有功課!係,我一直認為K1係唔會有功課的,返左兩三個禮拜,學校同家長開個家長會,功課就開始每天接踵而來。雖然功課只係畫線,油下顏色咁,但對我個小朋友黎講,原來確係困難。 執筆寫字對我來說從來不是難事,坦言我還挺喜歡寫字的。我寫嘅字算唔差架,細細個都成日聽到人地讚我字令,愈寫愈開心,於是又愈寫愈好。我以為與生俱來嘅野,喺另一個人身上竟然變得係斐異所思,要刻意追求的東西。 當然我個仔唔會刻意追求寫字,刻意唔寫字就有佢份。  

BB36個月 · kindergarten · 日常

拜拜BB年代⋯⋯

未返學前,阿仔每日食完午餐,就智落黎呢個公園玩,玩最少半個鐘是很正常的,壓軸就是去睇車車。如今小朋友要返學了,因為返下午班,以前輕鬆的玩樂時間就不見了。每天放學不是坐車車瞓晏覺,就是趕回家睡午覺,睡醒時都日落西山,天色昏暗,之後還要到麻麻家吃飯了。 懷念從前簡簡單單的日子。自從小朋友返學,雖然我沒有跟他一起上課,不過回家後要督促小朋友,童年回憶浮現眼前。 據我的媽媽說,從前我一放學回家便會主動做功課,做完功課還會從書店中拿課本出來朗讀,「幾乖呀!」我媽說。我想大概是我是女孩子緣故,因為小朋友的女同學的媽媽都說她的女兒都是這樣,女孩子較早熟的又一證明。 仔仔對上學的興趣似乎不大。每次問他喜歡上學嗎﹖他都答我不喜歡,原因是「有小朋友篤我」…。每次他答我不喜歡上學,我都會有點擔心的。 小朋友上學對他們來說的確是一個挑戰。每天都要去一個不熟識的地方,然後又跟一群不熟識的小朋友相處。小朋友之間總發生很多不如意的事,如搶玩具呀,不理彩人呀等等;然後上堂又有很多規矩要遵守,跟在家裏隨意自在的生活方式截然不同,要適應還需要時間。 每次經過這公園,我都會想起他還很少的時候,每天帶他落去玩的情境﹕冬天穿得厚厚的時候,當他還是學走路,走路跌跌碰碰的時候…… 老人家常說小朋友大得快,對喔~~~時候的確走得快,這些時光轉眼間就成為回憶了。