Pt煮婦(五)

今日第一次煮雞酒。 個酒好好味,啲肉就乾左啲喔。 好有滿足感、成功感。 跟陪月學野,學佢用黑糯米酒。落左好多姜絲,啲湯既有酒味,飲落又辣辣地,天寒地凍果時飲就最正👍🏻 一直想用嘉美🐓或冇激素的🐓,但和平要$300先送貨,街市又唔係時時有。自陪月走左之後想整好耐,喺惠康見到盒雞塊,唔理咁多都係買返去試下,戰戰兢兢下終於挑戰成功,結果都唔錯丫🤤 黑木耳去瘀血,對產後婦女好好。木耳索曬酒同雞味精華,食落又爽口,真係正👍🏻👍🏻👍🏻 可惜唔記得睇火,最後煮剩一碗水,有啲可惜。 配埋個紫菜夾飯食,呢餐真係大滿足❤️ —>

結婚八周年

原來今日結婚八周年😄👰🏻🤵🏻 但我淨係記得今日妹妹去打針😅 老公又提醒我原來我同妹妹一直冇合照,於是就地喺健康院影左幾張👩🏻👶🏻 我地請奶奶幫手照顧bb後就去食餐飯過二人世界,今晚唔係「公一份」、「婆一份」分工合作照顧家庭大小事。 食飯談天說地,難得地真正只有兩個成年人,用成年人嘅節奏過返啲正常成年人生活。好開心咁出去,開開心心咁返黎。 返到黎掃掃下風,先醒起沒有為我地八周年晚餐合照⋯⋯(其實印象中好似年年都冇🤷🏻‍♀️)覺得有啲遺憾。 生活就係餵奶掃風叫阿仔做功課叫阿仔快啲食飯同叫阿仔訓覺等等數不勝數嘅瑣事中渡過。 驀然回首,一步一腳印。呢啲點滴就係我八年生活寫照,平淡無奇卻踏實自在。 我同老公識左唔止八年了,這些年,辛苦你了!😆😅👍🏻☺️ 祝你身體健康,我地一家齊齊整整開開心心繼續生活那些年❤️❤️🌈👑🏡👨‍👩‍👧‍👦😘

Pt煮婦

味噌白菜肉片 生姜米紅棗麻油炒飯 我最喜歡食紅棗。雖然陪月走左,嚴格來說我還是坐月中,對產婦來說,姜飯又怎少得呢?

Part-time 煮婦

妹妹出世前我餐餐幾乎出街食,一來自己冇煮開飯,二來陀了B.B., 真係特別容易攰,企多陣都腰痛,唯有出街食。晚餐就去奶奶家解決。

新生活

今次請了陪月,還陪了個半月,為的是要健康身體,讓將來夠力湊2個小朋友。 哥哥我交付給麻麻照顧,老公和我照顧細妹妹,今次還有陪月幫手,過程比我想像中輕鬆。

聖誕日雜談

好快又過左一個月。 仲記得剛出院回到家,那時是下午,天氣還是有點熱。

Brand new day

Tomorrow is gonna be a brand new day. For baby sis is on her way…

懷孕update

距離開刀日子唔夠一個月,心情開始有啲緊張⋯⋯

孕婦維他命

我好少寫孕期d野。上一胎完全冇寫,我都唔記得點解。可能因為果時辭職冇返工,未試過唔駛日日對住部電腦,有時間仲會坐喺屋企對住電腦咩~~~ 而家想睇返當時心情對照一下都冇機會,可惜!原來我印象中嘅記憶同我老公講嘅野對照,都好多唔一樣咁嘅﹖第一同第二孕期過左就追唔返,得閒就update第三期做個留念。